रेघेवरची (ऑनलाईन) प्रेमकहाणी

( ऑनलाईन प्रेमाची त-हा या ड्युएटमधून )

ती - जेव्हां मी पासवर्ड होईन
तो - तेव्हां मी लॉगिन होईन
ती - कॅची अकाउंट माझे
तो - खुषीने धरून ठेवीन
ती - मी तुला, तू मला
तो - चाटणखिडकीत भेटू
ती - रेघेवरी* हिरवा दिवा (*ऑनलाईन)
तो - पाहुन दिव्यांनी खेटू
ती - तासनतास मी बोलीन
तो - तेव्हां मी म्युटच राहीन
ती - जेव्हां मी पासवर्ड होईन
तो - तेव्हां मी लॉगिन होईन

ती - जेव्हां मी अबोल होईन
तो - तेव्हां मी सावध होईन
ती - जेव्हां मी सावध होईन
तो - तेव्हां मी अबोल होईन
ती - मी तुला, मी तुला
तो - नको ना काही सांगू
ती - बिझी का रे तुझा दिवा
तो - दुसरीशी झालोय लागू
ती - अकाउंट डिलीट करीन
तो - तेव्हांही लॉगिन होईन
ती - बरे झाले ओळखले
तो - असाच कायम राहीन
ती - ती सुद्धा, मीच रे
तो - ओह, तुझाच मी गं होईन

ती - जेव्हां मी अनफ्रेण्ड करीन
तो - तेव्हां हे पाय मी धरीन
ती - जेव्हां मी पासवर्ड बदलीन
तो- लॉग आउट तेव्हां मी होईन..

खसा