महेंद्रसिंग धोनी उर्फ माही ... एका पर्वाचा अस्त ??

धोनी जबरदस्त खेळाडु आहे त्याला संघात टिकुन राहायला इतरांप्रमाणे कुणा श्रिनिवासन किंवा जाहिरातदारांची गरज असेल असे वाटत नाही.

त्यातही गेल्या वर्षभरात जे सकारात्मक घडलेय >> उदाहरणार्थ ? श्रीनिवासन चा support धोनीला गेल्या २-३ वर्षांमधे तारून गेलाय हे background politics तुझ्या चाणाक्ष डोळ्यांमधून सुटले कसे ?

"धोनी जबरदस्त खेळाडु आहे त्याला संघात टिकुन राहायला इतरांप्रमाणे कुणा श्रिनिवासन किंवा जाहिरातदारांची गरज असेल असे वाटत नाही." - चला. ह्या बाबतीत अधिकारवाणीनं, निष्णात तज्ञ निर्णयाची गरज पुर्ण केल्याबद्दल संस्थान आपलं आभारी आहे.

आता चर्चा बंद. आपण सर्व पामर विक्रम राठोड, गगन खोडा, पारस म्हांब्रे, गेला बाजार नोएल डेव्हिड, डेव्हिड जॉन्सन वगैरे प्रभृतींवर बोलायला मोकळे.

चर्चा क्षमतेवर असेल तर...... धोनी कडे पुर्वीची क्षमता नाही.

कालची मॅच संपल्यावर रा. रा. धोनी, सु. श्री. श्रीनिवासन ह्यांच्या निवासस्थानी न्याहारीसाठी गेले होते अशी एक विश्वासु न्यूजपेपर ची (पक्षी: टाईम्स ऑफ ईंडिया) न्यूज आहे

सपोर्ट असेना का? अगदी घनिष्ट संबंध असेनात दोघांचे. मुद्दा तो नाहीयेच मुळी.
या २-३ वर्षात धोनी हा स्वता संघात टिकण्यालायक होता की नाही हा चर्चेचा विषय असावा, चर्चा त्याच्या अ‍ॅबिलिटीवर व्हावी.>> कसल्या अ‍ॅबिलिटी वर चर्चा व्हावी ? तो उत्तम फिनिशर होता. गेल्या २-३ वर्षांमधे for whatever reason, he is having hard time performing that role. He is still in because he is captain.At times whenever he has been able to put together big scores in last couple of years, he has come up higher in the order (which is not finisher's role). But again in those innings, he has faltered towards the end. And he has been providing reasons for that after every match. ह्यात डोंबलाची अ‍ॅबिलिटी आली. कप्तान नसता तर निव्वळ आहे त्या फॉर्मवर तो संघात राहिला असता का ? तेही ओझा form of life मधे असताना नि सॅमसन mature झाल्याची चिन्हे दाखवत असताना. समजा त्याने दिलेली कारणे valid असली तरी 'त्याला खेळणे जमत नाहिये नि इतरांना जमू शकेल कि नाही हे बघता येत नाहिये' हे राहतेच आहे.

टेल्मा ४० घ्या

असामी, तेव्हढं ते life of form चं form of life करा राव. बाकी, पोस्ट मस्त!

धन्यवाद फे फे . मी जास्तीच फॉर्ममधे लिहिले

धोनीची अ‍ॅबिलिटी कालच्या एवढीच आज आहे का यावरही चर्चा करणे खरे म्हणजे चूकच. कारण सचिनची अ‍ॅबिलिटी सुद्धा शेवटपर्यंत एकसमानच होती का? >> म्हणजे शेवटी धोनी ला सपोर्ट करायला तुलाही सचिनचीच गरज पडावी .
सचिन ची ability सारखी नव्हती पण त्याचा रोल बदलता होता नि मह्त्व तेव्हढेच राहिले होते हा भाग धोनीच्याबाबतीमधे होत नाहीये. धोनीचा मुख्य plus point त्याचा फिनिशर रोल, flawless keeping नि uber-cool captaincy हे अष्टपैलूत्व हे होते. ह्यातले पहिले गायब झालेय, दुसरे उरलय नि तिसरे stale झालंय. मग अशा वेळी ह्यातले कमीत कमी दोन देउ शकण्याची क्षमता असलेल्या players वर अन्याय होतोय. मी आधी म्हटले होते तसे कि धोनी पुढच्या World Cup पर्यंत असेल असे तो खात्रीलायक सांगत नाहिये तेंव्हा team building च्या द्रुष्टीने पण त्याचे सध्या संघात असणे फारसे उपयुक्त नाहिये.

नमन वा संजू हे पर्याय आपल्यातर्फे आहेत का रिंगणात? >> तू नक्कि काय लिहितोस हे एकदा वाचत जा. रिंगणात ? आपल्यातर्फे ? नमन ओझा दोन सिरीज मधे संघात बॅकप म्हणून आहे. तेंव्हा रिंगणात आहे का नाही हे तुझे तूच ठरव.

त्याचा फिनिशर रोल संपलाय हे आपणच आपले ठरवतोय, पण तसे खरेच आहे का? आणि समजा त्यात काही फरक पडलाही असेल वयोमानानुसार, तरी याचा अर्थ फलंदाज म्हणून तो जडेजा वा अक्षर पटेलच्या लेवलचा झाला आहे का? >> जडेजा नि अक्षर पटेल कालपर्यंत तरी बॉलर होते रे, finisher role मधे असल्याचे ऐकले नाहि त्यांनी अजून. उगाच कोलांट्या उड्या मारू नकोस. धोनी ला स्लॉग जमत नाहिये हे तो स्वतःच म्हणतोय. (तुला पटले नाहि तरी.)

Devil is in the details हे ऐकलयस ? हे आकडे जिथून घेतलेस तिथेच प्रत्येक वर्षाच्या breakdown वर जाऊन innings मधला स्कोर डोळ्याआड घाल, तुझ्या लक्षात येईल की शेवटच्या दोन वर्षांमधे चढ उतार वाढले आहेत. २०१५ म्धल्य दोन मोठ्या innings वरती येऊन खेळलेल्या आहेत.

त्याच्या फलंदाजीची उपयुक्तता फक्त एक फिनिशर म्हणूनच होती आणि आता तो एक साधारण फलंदाज उरला आहे असे नाही म्हणू शकत. त्याची विकेटकीपर फलंदाज म्हणून आजही संघात जागा बनते. >> Actually you are pretty wrong here. Dhoni as a pure batsman will not override any of first 5 players in current team (maybe Raina but again, he is left handed and that counts). His worth was very high because he could finish the game for India. तुला आठवतेय का सध्या त्याने कुठला सामना फिनिश केलाय as a batsman म्हणून, नि त्यापूर्वी ? दोनेक वर्षांपूर्वी हे आकडे भसाभसा देता येत होते. Dhoni was never best keeper, he was always safe and reliable keeper. Best keeper in country is Saha. धोनीमूळे इतरांना संधी मिळत नाहिये हे लक्षात घे त्यामूळे 'ते त्याच्यापेक्षा चांगले आहेत का?' वगैरे म्हणशील तर त्याचे आकडे मिळणार नाहीत. And that is unfair to all concerned. 'त्याला उद्याच्या उद्या बाहेर काढा' असेही नाहिये पण काहिच transition plan समोर दिसत नाहिये हे लक्षात घे.

Dhoni was never best keeper, he was always safe and reliable keeper. > शंभर टक्के अनुमोदन!

असामी, वाक्यावाक्याला अनुमोदन! बाकी स्टॅटिस्टिकल डिस्ट्रिब्युशन जड आहे म्हणून ते न वापरता दहावीपर्यंत शिकलेल्या गणितावरून गोष्टी बरोबर ठरत असतील, तर हे सगळे कळेल ही आशाच फोल, आणि कळाले, तरी ते हट्टापुढे वळेल, ही तर अजूनच पुढची गोष्ट.

(ऋन्मेऽऽष ह्यांच्यावर पर्सनल हल्ला करायचा रोख वाटत असला, तरी तो तसा नाही. अज्ञानात समाधान मानून उलट त्याचा अभिमान बाळगण्याच्या वृत्तीवर तो आहे.)

आअसामी +१०००

धोनी जबरदस्त खेळाडु आहे त्याला संघात टिकुन राहायला इतरांप्रमाणे कुणा श्रिनिवासन किंवा जाहिरातदारांची गरज असेल असे वाटत नाही. >>> कुणा श्रीनिवासन!! त्यानं चुकून वाचलं तर थयाथया तांडवनृत्यच करेल. तमिळ शिव्या पडतील त्या सेपरेट!!

या माणसामुळे भारतीय क्रिकेटचं अतोनात नुकसान झालेलं आहे ही गोष्ट खरी आहे.

परत त्याला उद्याच्या उद्या बाहेर काढा असेही नाहिये पण काहिच transition plan समोर दिसत नाहिये हे लक्षात घे.<<<< हा आपला कायमचाच घोळ आहे. इतर देशांमध्ये प्रत्येक खेळाडूसाठी बॅकप तयार ठेवला जातो अगदी इंजुरी वगैरे झाली तरी त्यामुळे संघांचा बॅलन्स जात नाही. आपल्याकडे जोवर तो खेळाडू खेळतोय तोवर दिवे ओवाळ ओवाळले जातात. त्याच्या रीटायरेमंटची वेळ आली की त्याला बॅकप रेडी करायचं सोडून भलतीच राजकारणं केली जातात. परिणामी आपल्याकडे शेकडो खेळाडू असूनही त्याना संधी मिळत नाही. ज्याला मिळते तो राजकारणामध्ये जास्त वेळ घालवतो (याला अपवाद आहेतच! पण ते अपवादापुरते)

सचिनची उपयुक्तता शुन्य असल्याची जाणिव धोनिला होती परंतु पुर्वपुण्याइ मिडियाने केलेले त्याचे दैवतिकरण नी जाहिरदारांचा दबाव ह्या कारणाने त्याला तो संघात नकोसा झाला असतानाही टिममध्ये ठेवावे लागत होते.तरी धोनिने रोटेशन पध्दत संघात आणुन त्याला काही सामने बसवले.धोनि हा कप्तान म्हणुन यशस्वि होण्याचे कारण त्याची योग्य निर्णयक्षमता.

पगारे तुम्ही परत प्रबोधनाचे कार्य सोडून इथे वळलात ते ? तुमचा मौलिक वेळ आमच्या वर फुकट घालवू नका हि कळकळीची विनंती.

ऋन्मेऽऽष, तुला क्रिकेट मधे सरासरी कशी काढतात हे माहित आहे का? वर जे तु so called statistics दिले आहेत त्यात एक अत्यंत महत्त्वाचा आकडा विसरला (जाणुन बुजुन ?) आहेस तो म्हणजे नॉट आऊट. ५-६ नंबर वर येणार्‍या फलंदाजाचे नॉट ऑट प्रमाण जास्त असते आणि त्यामुळे अ‍ॅव्हरेज जास्त असते.

BTW, मागिल पानावर मी काही प्रश्न विचारले होते. त्यांची ऊत्तरे देऊ शकतोस का?

---
कानडा

आपले काही प्लेयर हे ग्रेट आहेत पण माणुसकिच्या,समाजकार्याच्या बाबतित स्टिव्ह वॉ हा प्लेयर ग्रेट आहे.

>>कप्तानी म्हणाल तर राजकारणात भरडली जातेय.
मित्रा, धोनीने कधी राजकारण केलेच नाही असे तुला म्हणायचय का?

मी तुमच्या तोंडावर आकडेवारी फेकत नाही. कारण आकडे हे फसवे असतात, रुक्ष असतात..
"Figures are like bikini bathing costumes ! What they reveal is interesting, but what they conceal is more vital"

--- संदर्भ - 'फटकेबाजी' शिरीष कणेकर

असामी, एकदम सहमत! I couldn't agree more.

पगारे, आपण आलात, आमचं अहोभाग्य. आपण PWDमधे रस्ते दुरुस्तीच्या कामावर आहात का? सतत diversion काढता म्हणून विचारलं. एक आमचं बेष्ट सजेशन बघा. दोन-पाचशे पोस्टीतली एखादी तरी विषयाला धरून टाकायचा प्रयत्न करून बघा. जड जाईल सुरूवातीला ५-१० वर्ष, पण नेटानं प्रयत्न केलात थोडंफार जमू शकेल.

>>>हा आपला कायमचाच घोळ आहे. इतर देशांमध्ये प्रत्येक खेळाडूसाठी बॅकप तयार ठेवला जातो अगदी इंजुरी वगैरे झाली तरी त्यामुळे संघांचा बॅलन्स जात नाही<<<

नंदिनी, अगदी अगदी!

जो माणूस निव्वळ कोणीतरी दुसरा जखमी झाला म्हणून संघात येतो तो त्या सामन्याचा मॅन ऑफ द मॅच ठरतो हे पाहिलेले आहे.

>>>सचिनची उपयुक्तता शुन्य असल्याची जाणिव धोनिला होती<<<

>>>आपले काही प्लेयर हे ग्रेट आहेत पण माणुसकिच्या,समाजकार्याच्या बाबतित स्टिव्ह वॉ हा प्लेयर ग्रेट आहे.<<<

सदर धाग्याशी इतका सुसंगत प्रतिसाद आजवर पाहण्यात नव्हता.

फेरफटका -

हा धागा विनोदी लेखनात हलवा.

हा धागा हळु हळु स्वप्नील जोशीच्या मार्गावर जात आहे !

मुळात त्या ८५-१०० धावांच्या उदाहरणात दहावीपर्यंत जे गणित वापरले गेलेले तेच पुरेसे होते > आता हे पण तुम्हीच ठरवणार का? परत इथे तोच मुद्दा आहे. स्वतःच्याच अज्ञानात कितीवेळ धन्यता मानणार? तुमच्या सगळ्या स्टेटमेंट्सना "मी म्हणतो म्हणून" ह्याशिवाय काही आधार नाही, आणि इतर लोक आकड्यांचा व्यवस्थित आधार देत आहेत, तर त्याची गरज नाही, हेच पुरेसे आहे, म्हणून तुम्ही ते उडवून लावणार.

जे त्याने २०११ च्या विश्वचषकाच्या अंतिम सामन्यात केले होते. आजही त्याच्यात ते पोटेंशिअल आहे. तेव्हा तो एक गेमप्लान होता, आता ती पर्मनंट भुमिका म्हणून घेऊ शकतो. > घेऊ शकतो हो जर तो ते अजूनही करून दाखवू शकत असेल तर, मूळात त्याला ते जमत नाहिये हा मुख्य प्रॉब्लेम आहे. म्हणून हे सगळे सुरू आहे.

मुळात इथे धोनीला पहिल्या पाच फलंदाजांपैकी कोणाला रिप्लेस करायचे आहे हा विचारच चुकीचा आहे. धोनी हा विकेटकीपर फलंदाज आहे हे लक्षात घ्या. त्यामुळे त्याला एखाद्या विकेटकीपर फलंदाजालाच रिप्लेस करायचे आहे. ते करून तो संघात आहे, पुढेही राहू शकतो.>> नाही, तो विकेटकीपर म्हणून निघाला कि नुसता फलंदाज म्हणून स्वतःच राहणार नाही. नि परत जे वर लिहिलय जे तू दुर्लक्षित केले आहेस ते 'धवन, रोहित, कोहली, राहाणे' ह्यापैकी कोणालाहि धोनी replace करू शकत नाही. राहिला रैना तर तो पण finisher म्हणून संपलाय का ते माहित नाही. धोनी नक्की संपत चाललाय हे दिसतय तेंव्हा रैना च्या धोनी येणे unless it is short term arrangement - stop gap कठीण वाटते.

BTW कोहली धोनीचा गेम करतोय हा तुझा मुद्दा तो सोयीस्करपणे पाठी केला आहेस हे लक्षात आले नाहिये असे समजू नकोस

आपल्यामते जमत नाहीये, माझ्यामते जमतेय >> माझ्या नाहि तर तू वगळता सगळ्यांच्या. अगदी धोनीही स्वतःच म्हणतोय कि end overs slogging जमत नाहिये आत्ता. कारणे फक्त वेगवेगळी देतोय.

पण मुळात तो विकेटकीपर म्हणून का निघणार? >> हे तूच म्हणाला होतास ना " धोनी हा विकेटकीपर फलंदाज आहे हे लक्षात घ्या. त्यामुळे त्याला एखाद्या विकेटकीपर फलंदाजालाच रिप्लेस करायचे आहे." ? त्याचे उत्तर होते. किपिंग करत नसेल तर नुसता फलंदाज म्हणून तो राहू शकत नाही ह्या माझ्या मुद्द्यावर.

मित्रा, मग जर त्याने इतरांच्या बाबतीत राजकारण केले हे जर तू मान्य करतोयस तर मग इतरांनी त्याच्या बाबतीत राजकारण केल्याचा इतका का राग येतोय?
चर्चा जर राजकारणाची चालली असेल तर त्यात संघाचे हित वगैरे बडबड करुन ते जस्टिफाय होत नाही ना!

bumrang, सही पकड़े है।

ऋन्मेऽऽष मागे माजी क्रिकेटरस्ना त्यांना लिहायचे पैसे मिळतात तेंव्हा त्यांच्या मताकडे तू दुर्लक्ष करतोस असे तूच म्हणाला होतास ना ?

असो धोनी कडे ३-५ वर्षे उरली आहेत हे गावस्करने कुठली expiry date बघून ठरवले हे वाचलेस का ? तो नि सचिन ३८-४० पर्यंत खेळले ह्यावरून. धोनी किपर आहे तो इतकी वर्षे खेळणे निव्वळ अशक्य आहे. त्याच लेखात धोनी परत पहिल्यासारखा खेळायला लागेल असे मत गावस्करने व्यक्त केलय. ह्याचा अर्थ तो आता पूर्वीसारखा खेळत नाही हा होता हे तुझ्या चाणाक्ष बुद्धीला लक्षात आले असेल. आम्हीहि तेच म्हणतोय नि धोनीला उद्याच्या उद्या हाकला असे न म्हणता transition plan बनवा म्हणतोय हा भाग तुझ्या चाणाक्ष नजरेतून निसटला हे दर्शवून देतो.

जे त्याने २०११ च्या विश्वचषकाच्या अंतिम सामन्यात केले होते. आजही त्याच्यात ते पोटेंशिअल आहे. तेव्हा तो एक गेमप्लान होता, आता ती पर्मनंट भुमिका म्हणून घेऊ शकतो. >>

विश्वचषकाच्या शेवट्च्या सामन्यात धोणीने धावा केल्या. त्याचापेक्षाही जास्त चांगली इनिंग गंभीरची होती. त्याने टोन सेट केला. त्यामुळे कळस धोणीला चढवता आला. इनफॅक्ट २०१४ आणि २०१५ प्रमाणेच २०११च्या विश्वचषकात देखील धोणी चाचपडत होता.

वर तू म्हणत आहेस की कोणा एकामुळे टीम जिंकत नाही. त्याचा विसर पडायला नको इतक्यातच. ह्यात गेमप्लान वगैरे काही नव्हते तर त्याला सेट व्हायला खूप उशीर लागतो, त्यामुळे बॉल जास्त जातील त्यामुळे तो वर आला. तो आउट झाला असता तरी गोल्डन टच मध्ये युवी असल्यामुळे तो वर आला. आख्ख्या वल्डकप मध्ये धोणीची केवळ एक फिफ्टी आहे.

इन फॅक्ट जेंव्हा जेंव्हा तो ४ नंबर वर येतो तेंव्हा त्याच्या आधीच्या काही इनिंग मधील स्कोअर बघ. अपवादानचे त्या आधी त्याने ३०-३५ + केलेल्या असतात. त्यामुळे मो तो ४ नंबर वर येणे हा पॅटर्न आहे. तो तुला कळत नसला तरी !

आधी लिहिल्यासारखे धोणीला डिफेन्ड करताना विराट अन सचिनचा बळी द्यायची गरज नाही. पण मुद्दे नसले की असे काही तरी होत असते.

असाम्याच्या, 'आज धोणीला टीम मध्ये स्थान नाही' ह्या विधानासाठी सध्या मी सहमत आहे. बॅड पॅचेस सर्वांचे येतात. धोणीने विश्रांती घेऊन पुनरागमन करावे. त्यालाही वेळ भेटेल.

कुणीतरी वर सचिनला वन डे मध्ये काढले असे लिहिले आहे. तर सचिन हा एकमेव खेळाडू आहे की ज्याला कधीच काढले गेले नाही. 'दादा' च्या मुलाखतीत सुद्धा त्याने हे सांगीतले आहे. अर्थात इथे कुणाला सांगून काही फरक पडत नाहीच म्हणा.

धोणी निर्विवाद इम्पॅक्ट प्लेअर आहे. पण त्याचा इम्पॅक्ट आता नाहीसा होत चालला आहे. खुद्द धोणी देखील हे म्हणतो आहे. स्लॉग बद्दलचे त्याचे स्टेटमेंट पुरेसे बोलके आहे.

भारतीय क्रिकेटला फटका बसतोय?.... कुठे कुठे?

बर, तुझ्या म्हणण्याप्रमाणे अगदी गृहीत धरू की कोहली आणि शास्त्री धोनीविरुद्ध राजकारण करतायत आणि धोनीचा काटा काढण्यासाठी अंडरप्ले करतायत, तर मग धोनी धरुन बाकीचे १० प्लेयर्स स्वताच्या खेळावर मॅच काढु शकत नाहीत का?
का शास्त्री आणि कोहलीशिवाय अजुनही कुणी या so called कटात सामिल आहेत?

थोडस त्रयस्थ पणे या सगळ्याकडे बघ म्हणजे तुला कळेल की हा आरोप कितीही लॉजिकल वाटत असला तर तरी प्रत्यक्षात असे सगळे होणे फारसे शक्य नाही

वाटल्यास एखादा ड्यु आयडी काढून तूच तुझे वरचे आरोप खोडून काढायचा प्रयत्न कर ... कदाचित बाकी सगळे जे समजावयचा प्रयत्न करतायत ते तुझे तुलाच समजून जाईल