Submitted by उगले इंद्रजित. on 19 May, 2015 - 00:58
जवळ माझ्या कुणी टिकत नाही
मी कुणालाच परवडत नाही
कान देऊन ऐक तू माझे..
सहज काहीच मी म्हणत नाही!
बाग नुसतीच ही बहरलेली..
एक झोका कुठे दिसत नाही
रान नुसतेच हे पसरलेले..
पाखरूही कुठे दिसत नाही
फक्त त्याचा विचार केल्याने
जे हवे ते कधी मिळत नाही
ही अवस्था किती बरी आहे..
मन कशातच अता रमत नाही
दिवसभर एक काम नसते पण
दिवस जातो कसा कळत नाही
काय होईल मग पुढे माझे..?
आज काहीच मी करत नाही
काय लक्षात ठेवले होते?
नेमके काय आठवत नाही??
-इंद्रजित उगले
'सप्तरंग' सकाळ पुरवणीत पुर्वप्रकाशीत..
विषय:
Groups audience:
Group content visibility:
Public - accessible to all site users
शेअर करा
व्वा व्वा. गझल आवडली. दिवसभर
व्वा व्वा. गझल आवडली.
दिवसभर एक काम नसते पण
दिवस जातो कसा कळत नाही
अप्रतिम.
मतला आणि सातवा शेर मस्त गझल
मतला आणि सातवा शेर मस्त
गझल आवडली
समीरजी, अरविंद काका धन्यवाद
समीरजी, अरविंद काका
धन्यवाद
आवडली गझल
आवडली गझल