बरा चालला होता
देवदयेने बधीरतेचा
शाप लाभला होता
विरहामध्ये वेळ म्हणोनी
बरा चालला होता
कोण जीवनी आले गेले
दु:ख मला ना त्याचे
एकच होती आस मनाला
चालत रहावयाचे
कधी कारवा, कधी एकटा
सराव झाला होता
विरहामध्ये वेळ म्हणोनी
बरा चालला होता
नव पानांना नवकिरणांची
सुरेख आभा असते
पर्णहीन वठल्या वृक्षांची
अपुली शोभा असते
क्षण आले ते जगावयाचा
चंग बांधला होता
विरहामध्ये वेळ म्हणोनी
बरा चालला होता
एक समस्या, दुसरी, तिसरी
लांब साखळी असते
यक्ष प्रश्न बनल्या विरहाची
गोष्ट वेगळी असते
शोधशोधल्या उत्तरातही
प्रश्न गवसला होता
विरहामध्ये वेळ म्हणोनी
बरा चालला होता
चार दिसांची संगत आता
काच गळ्याचा ठरली
भुताटकी मग आठवणींची
आसपास वावरली
आत उसासे, आनंदाचा
लेप लावला होता
विरहामध्ये वेळ म्हणोनी
बरा चालला होता
पूर्वेकडुनी पश्चिमेकडे
प्रवास सरकत आहे
विरह भावनेला ठसठसत्या
अजून बरकत आहे
वळणावळणावर जगण्याचा
शाप भोवला होता
विरहामध्ये वेळ म्हणोनी
बरा चालला होता
निशिकांत देशपांडे. मो. क्र. ९८९०७ ९९०२३
E Mail--- nishides1944@yahoo.com
खुप मस्त ... आवडली
खुप मस्त ...
आवडली
छान पूर्वेकडुनी
छान
पूर्वेकडुनी पश्चिमेकडे
प्रवास सरकत आहे
विरह भावनेला ठसठसत्या
अजून बरकत आहे.................. वा
आवडली कविता निशिकांतजी!
आवडली कविता निशिकांतजी!
सर्वांचे आभार प्रेरक
सर्वांचे आभार प्रेरक प्रतिसादासाठी.
मस्त आवडली.
मस्त आवडली.