परकी परकी वाटत जाते

Submitted by सुप्रिया जाधव. on 30 January, 2015 - 03:27

जसे स्वत:ला गाठत जाते
परकी परकी वाटत जाते

शिवण घालते परिस्थितीला
तितकी तितकी फाटत जाते

कोणाला मी नकोनकोशी
कोणी नाते सांगत जातेे

जो जो अंतर मिटवत जावे
तो तो अंतर वाढत जाते

वरकरणी मन स्वच्छ नभासम
आत आतवर दाटत जाते

अधीर होउन मृत्यू येतो
जीवन धापा टाकत जाते

सुप्रिया

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

खरंय. फारच पटली. रिलेट झाली.
इतक्या सोप्यात मनाची घालमेल व्यवस्थित पोहोचली.

Submitted by दक्षिणा on 30 January, 2015 - 03:58

जसे स्वत:ला गाठत जाते
परकी परकी वाटत जाते

शिवण घालते परिस्थितीला
तितकी तितकी फाटत जाते

अधीर होउन मृत्यू येतो
जीवन धापा टाकत जाते<<< सुंदर शेर! मतला फारच सुरेख! सुलभ शब्दरचना! 'तितकी तितकी' मधील एका 'तितकी' ऐवजी इतर काही अधिक अर्थ आणणारा शब्द घेता आला तर पाहावेत.

गझल आवडली.

Submitted by बेफ़िकीर on 30 January, 2015 - 04:00

संपूर्ण गझल छानच..

जसे स्वत:ला गाठत जाते
परकी परकी वाटत जाते

शिवण घालते परिस्थितीला
तितकी तितकी फाटत जाते

वरकरणी मन स्वच्छ नभासम
आत आतवर दाटत जाते

अधीर होउन मृत्यू येतो
जीवन धापा टाकत जाते

विशेष आवडले हे शेर. Happy

Submitted by सुशांत खुरसाले on 30 January, 2015 - 14:45

निवडक १० त घेतलीये,पण प्रतिसाद द्यायचा राहूनच गेलाय!

अप्रतिम,अप्रतिम गझल! सहज,सखोल!

Submitted by सत्यजित... on 1 March, 2016 - 19:40