न्यूनतेला पूर्णता करतेस तू

सर्व शेर आवडले शेवटाकडे जातो तसे शेर अधिक उत्तम होत गेल्याचे एक जाणवले
पहिल्या दोन शेरात उला आणि सानीची अदलाबदल करून पाहिली आणि व्यक्तिशः मला जास्त मजा आली

धन्यवाद

आवडले बरेच शेर

धन्यवाद !

बोलके तर मौनही असते तुझे >>>>>>
छान वाटला शेर,

गझलेपेक्षा गीत वाटले. ही रचना गायनानुकुल आहे. मात्र गझलेच्या शेरांंमध्ये अधिक खोली असावी किंवा निदान अर्थाकडे जाताना एखादी भरारी घेतल्यासारखे रसिकाला वाटावे अशी अपेक्षा (मी तरी) ठेवतो.

न्यूनतेला पूर्णता करतेस तू
मी कमी पडतो तिथे असतेस तू

दोन्ही ओळींत साधारण एकच गोष्ट सांगितल्यासारखे आणि त्यामुळे पहिल्या ओळीचे फक्त उदाहरण दुसर्‍या ओळीत दिल्यासारखे झाले आहे. किंवा पहिली ओळ वाचल्यानंतर 'म्हणजे काय' असे कोणी विचारले तर त्याचे उत्तर म्हणजे दुसरी ओळ, असे झाल्यासारखे वाटत आहे. ह्याऐवजी 'मी जिथे असतो तिथे असतेस तू' असे केले असते तर 'मी म्हणजे न्यूनता' आणि 'तू म्हणजे पूर्णता' हा अर्थ गझलेच्या शैलीत पुढे आला असता असे वाटते. विस्तृतपणे तुमच्या गझलेवर लिहिण्याची माझी पहिलीच वेळ आहे तेव्हा कृपया मोठ्या मनाने माफ करावेत. दुरुस्त्या सुचवायचा मोह समजू नयेत, चर्चा व्हावी.

शांत सगळी वादळे करतेस तू
हात माझा ज्या क्षणी धरतेस तू <<< ठीक

सांग ना नक्की कुठे लपतेस तू
मारतो मी हाक अन् सुचतेस तू<<<

सुचल्याशिवाय हाक कशी मारता येईल? ही आशयाशी निगडीत तांत्रिक बाब आहे (गझलतंत्राशी निगडीत नव्हे). तसेच, 'ती नक्की कुठे लपते' ह्या प्रश्नाशी 'तिला हाक मारली की ती सुचते' ह्याचा अर्थानुसारे राबता लक्षात आला नाही. 'प्रभावी समारोप' ही एकमेव अट दुसर्‍या ओळीत पालावी असा (माझा तरी) आग्रह नाही, पण राबता स्वच्छ यायला हवा.

सांग हे करणे कसे जमते तुला -
पाहतो जेव्हा फुले, दिसतेस तू ...<<< शेर सपक झालेला आहे.

बोलके तर माैनही असते तुझे
पाहतो डोळ्यात अन् कळतेस तू

मौनाला बोलके म्हणणे हे खरे तर आता खूप जुने झाले आहे, पण म्हणून ते गझलेत येऊ नये असे म्हणण्याचा कोणाला अधिकारही नाहीच. पण हाही शेर सपक झालेला आहे. उदाहरणार्थ, ह्या ओळी उलट्यापालट्या (जमीन बदलेल हे माहीत आहे) करून शेर वाचला तरी तोच अर्थ निघत आहे. तसेच आधीच्या (दिसतेस तू) ह्या शेरातही होत आहे.

काळजी माझी किती रस्त्यासही
वाट माझी केवढी बघतेस तू...<<<

एक तर रस्त्यासही मधील 'ही' चा संदर्भ स्पष्ट होत नाही आहे. त्यानंतर, जर रस्त्यास काळजी असली तर ती वाट बघते ह्याचा काय संबंध, असे मनात येते.

गझल रचताना शेर अधिकाधिक खोल व्हायला हवा असे माझे मत!

चु भु द्या घ्या

प्रतिसादाबद्दल धन्यवाद! बहुधा तुम्हाला असे वाटत आहे की मी शेरांचा अर्थ विचारला आहे. असो!

तुमच्या प्रतिसादाची शेवटची ओळः

>>>तुझ्याबरोबरच रस्त्यालाही माझी काळजी आहे, कारण मी सुखरूप घरी येईन ना हे तो बघतो आहे, कारण तुझ्या वाट (रस्ता) पाहण्यातली आर्तता त्याने बघितली आहे<<<

हा खयाल चांगला आहे. मात्र तो त्या शब्दरचनेत व्यवस्थित बसलेला नाही आहे.

रस्त्यासही ऐवजी रस्त्यास की - असे केले की तुमचे म्हणणे अधिक स्पष्ट व्हावे असे वाटते.

शांत सगळी वादळे करतेस तू
हात माझा ज्या क्षणी धरतेस तू>>>>..छान वाटली.