लाजरी सखी

Submitted by पल्ली on 19 January, 2015 - 07:23

लाजून झाकते ती
झाकुन लाजताना
दूर दूर का करते राणी
तुझेच आहे म्हणताना...
गळून पडावी लाज सखीची
प्राजक्ताच्या फुलांपरी
दरवळावे माझे अंगण
अन उरावी नशा ऊरी...
सलज्ज धरती भिजवी श्रावण
झरझर झरत्या धारांनी
तसाच अवखळ मीही झालो
होशिल माझी हरित धरी?...
वाटे मजला हवेहवेसे
नकारातले अर्थ खुळे
नाही नाही म्हणताना
मिठीत अलगद सखी शिरे.....

विषय: 
काव्यलेखन
शब्दखुणा: 
पल्ली
Groups audience: 
गुलमोहर - कविता
Group content visibility: 
Public - accessible to all site users
शेअर करा