एवढे का गुदमरावे, भावनांच्या वादळाने
भार हलका होत असतो आपुल्यांशी बोलल्याने
हास्य ओठी आत कावा, मी सखे दुर्लक्ष केले
स्त्रीच "मा" करते "ध"चाही घातलेल्या काजळाने
दाह विरहाचा असा की, वाटले उध्वस्त झालो
पोसले प्रेमांकुरांना आठवांच्या ओघळाने
भावना उद्रेक अपुला का जगाला दाखवावा?
दु:ख का होते कमी ते चेहर्यावर गोंदल्याने?
कौल अपशकुनी मिळाला, श्वान रडता कळवळोनी
दोष इतरा, आपुल्यावर भरवसा ना राहिल्याने
भावनांचा कोंडमारा भोगतो जो तोच जाणे
केवढा तो त्रास होतो! नाक साधे चोंदल्याने
आठरा अध्याय गीतेचे मुखोद्गत जाहल्यावर
प्राप्त कसले ज्ञान होते? घोकल्या पाठांतराने
साक्ष इतिहासात मिळते, राज्यकर्ते लाख बदलो
फायदा रयतेस नसतो कोणत्या सत्तांतराने
सागराची लाट तू "निशिकांत" हो विक्राळ इतकी!
आसर्यासाठी फिरावे घेत धसका कातळाने
निशिकांत देशपांडे. मो.क्र. ९८९०७ ९९०२३
E Mail---nishides1944@yahoo.com
भावनांचा कोंडमारा भोगतो जो
भावनांचा कोंडमारा भोगतो जो तोच जाणे
केवढा तो त्रास होतो! नाक साधे चोंदल्याने<<<
मस्त!
(शेरांमध्ये विधानात्मकता अधिक जाणवली ह्या गझलेत)
कैलासरावांच्या 'श्वास झाला मोकळा की कोंडल्यागत वाटते' ची आठवण झाली.
शुभेच्छा!
व्वा
व्वा
छान आहे. गझला सहसा वाचत नाही,
छान आहे. गझला सहसा वाचत नाही, पण सहज वाटलं वाचाविशी आणि आवडली चक्क.
बाकी, काही गझलकार गझलेच्या शेवटी आपला मोबाईल नंबर आणि विपत्रपत्ता का देतात?
कोकणस्थ, निशिकांतजी हे
कोकणस्थ,
निशिकांतजी हे आंतरजालाच्या (तथाकथित) राजकारणापासून पूर्णपणे दूर असलेले व वयाने बरेच ज्येष्ठ असे गझलकार आहेत. त्यांना त्यात काही विशेष वाटत नाही त्यामुळे ते तो तपशील देतात.
त्यांच्यावतीने मी का बोललो अशी शंका असल्यास चांगले स्नेहसंबंध असल्यामुळे मला त्यांची ही माहिती होती, जी मी पुरवली. ते कदाचित स्वतः उत्तरते झालेही नसते.
ओके ओके मी सहज गंमत करायच्या
ओके ओके मी सहज गंमत करायच्या हेतूने बोललो. निशिकांतजींना वाईट वाटले असल्यास मी दिलगिरी व्यक्त करतो.
व्वा काका मस्तच ! तुमच्या
व्वा काका मस्तच !
तुमच्या अनेक खयालांमधून एक सहज साध्या पॉसिटिवनेस्चा फील मिळतो मला (इतक्या प्रदीर्घ आयुष्यातून आलेलं शहाणपण म्हणा हवंतर ) ...तो फील खूप काही देवून जातो नेहमीच
वैवकु, लग्न झाल्यानंतर तुम्ही
वैवकु,
लग्न झाल्यानंतर तुम्ही प्रतिसाद वारंवार संपादीत करण्याची सवय त्यागाल असे वाटले होते.
(No subject)
अनेक शेर आवडले!!! धन्यवाद सर
अनेक शेर आवडले!!!
धन्यवाद सर
बेफीजी मला माहीतच होतं की हे
बेफीजी मला माहीतच होतं की हे तुम्ही ऑब्सर्व्ह करालच म्हणून आणि अशी कमेंटही कराल म्हणून !!
(No subject)
दाह विरहाचा असा की, वाटले
दाह विरहाचा असा की, वाटले उध्वस्त झालो
पोसले प्रेमांकुरांना आठवांच्या ओघळाने
भावनांचा कोंडमारा भोगतो जो तोच जाणे
केवढा तो त्रास होतो! नाक साधे चोंदल्याने
साक्ष इतिहासात मिळते, राज्यकर्ते लाख बदलो
फायदा रयतेस नसतो कोणत्या सत्तांतराने >>> जास्त आवडले आणि मकता ही खूप छान!
आसर्यासाठी फिरावे घेत धसका
आसर्यासाठी फिरावे घेत धसका कातळाने << मस्तच मिसरा.
शिवाय अनेक शेर छान वाटले.
मनापासून आभार सर्वांचे
मनापासून आभार सर्वांचे प्रतिसादासाठी.