फुटकर-३

माझे जीवन त्याच्यापाशी येउन थांबे
त्याचे अजून कोणापाशी कधी ना कधी

आज ना उद्या मार्ग वेगळे व्हायचेच की
उद्या कदाचित परवावर जाईल फारतर

निघतो जेथुन तिथवर असतो तिथल्यांचा मी
गाडी सुटली की कोणाचा कोण न उरतो

मी आता निश्चिंतीच्या वाटेवर आहे
मी आता चिंतांची झोळी फेकू म्हणतो

तुझ्या खुशीने का इतका बावरून जातो
किती मने घेऊन बरे मी निघून जातो

छोट्याश्या गोष्टीचा होतो प्रपंच मोठा
एक झाकले की पडते उघड्यावर दुसरे

सगळी झाली तय्यारी जाण्याची आता
एक खूण पटली की लागूया वाटेला

निघण्याआधी लागत नाही झोप जराही
निघता-निघता झोप अनावर होत राहते

वर्षेही उडतात पाखरे होउन बहुधा
परत न येण्यासाठी, कोणा-कोणासाठी<<<

फार आवडले हे शेर!

शेवटचा अतिशय सुंदर!

माझे जीवन त्याच्यापाशी येउन थांबे
त्याचे अजून कोणापाशी कधी ना कधी

आज ना उद्या मार्ग वेगळे व्हायचेच की
उद्या कदाचित परवावर जाईल फारतर

फार दिवस मुक्काम लांबवू नये खरेतर
किंमत कोणाची न उरावी किमतीपुरती

येता-जाता बघत राहतो कुठवर आले
वारवार पाहून वाढते पीक भ्रमाचे

तुझ्या खुशीने का इतका बावरून जातो
किती मने घेऊन बरे मी निघून जातो

बोल हवे तितके आता तू ह्याच घडीला
भेट पुढे-मागे अपुली होवो ना होवो

वाह.. विशेष आवडले.

सर्व शेर एका दमात न वाचता थोडे थोडे वाचायचे ठरवले आहे त्यामुळे आज पहिले ५ शेरच वाचले
कोलाहल सर्वात आधिक आवडला
भेटीच्या शेरावरून माझा एक मतला आठवला....

पुढे मागे कुठे असशील काही माहिती नाही
पुन्हा होईल नाही भेट ह्याचीही हमी नाही

धन्यवाद

अनेक शेर आवडले सर
धन्यवाद, नूतन वर्षाभिनंदन!!

निवांत वाचावे म्हणतो!!

फारतर पासुनचे एकूण एक शेर आवडले .

दोन भागात विभागणी केली गेली असती तर अजुन मजा घेता आली असती असे वाटले ( वै म )

धन्यवाद !!

सुप्रिया.