Submitted by जयदीप. on 2 November, 2014 - 23:32
घर्षणाने या ढगाची झीज कर..
शेर माझा एकदा तू वीज कर!
शब्द दे तू वेदनेला नेमके
हुंदक्याच्या आशयाचे चीज कर!
जा, स्वतःला भेट मित्रासारखा
एकटेपण आज तू काबीज कर!
ना धजावे हात खुडण्याला कधी
त्या फुलांच्यासारखे काळीज कर
जाग यावी पैलतीरावर मला
तू इकडच्या जागण्याला नीज कर!
जयदीप
विषय:
Group content visibility:
Public - accessible to all site users
शेअर करा
सर्व सानी मिसरे खूप आवडलेत
सर्व सानी मिसरे खूप आवडलेत
सर्वच आवडले ( शेवटचा जरा
सर्वच आवडले
( शेवटचा जरा वेगळा अपेक्षित होता)
मस्तंच ...
मस्तंच ...
फार आवडली आहे.
फार आवडली आहे.
सर्वांचे मनापासून आभार!!!
सर्वांचे मनापासून आभार!!!