Submitted by बेफ़िकीर on 7 October, 2014 - 15:32
गझल - हा स्वत्वाचा तपास मानू आता
हा स्वत्वाचा तपास मानू आता
चल देहाला लिबास मानू आता
जेथे तेथे 'मी'च आडवा येतो
हे कळणेही विकास मानू आता
लिहायचे ते लिहिता आले नाही
आयुष्याला समास मानू आता
टोल फक्त मरणाचा द्यावा लागे
जन्माला बायपास मानू आता
केव्हाची आनंदी वाटत आहे
मनस्थितीला उदास मानू आता
ह्या वाटेवर एकटाच आहे मी
माझ्याइतके कुणास मानू आता
सर्व फुलांचे देठ सारखे होते
हा कोणाचा सुवास मानू आता
उगीच काहीतरी बघू जमते का
अंधाराला भकास मानू आता
पूर्वी आई दार उघडण्या जागे
त्यास पोरका प्रयास मानू आता
शिकायचे ते शिकून झाल्यावरती
'बेफिकीर'ला कशास मानू आता
-'बेफिकीर'!
विषय:
शब्दखुणा:
Groups audience:
Group content visibility:
Public - accessible to all site users
शेअर करा
सुंदर गझल सर, त्यातून विकास,
सुंदर गझल सर, त्यातून विकास, समास, कुणास आणि मक्ता खूप आवडले!!!!
बढिया जमीन, बढिया गझल. फार
बढिया जमीन, बढिया गझल.
फार आवडली.
धन्यवाद.
लिहायचे ते लिहिता आले
लिहायचे ते लिहिता आले नाही
आयुष्याला समास मानू आता
ह्या वाटेवर एकटाच आहे मी
माझ्याइतके कुणास मानू आता.. सुंदर
अवांतर- .. मानूया का .. अशी रदीफ वाचून पाहिली.
सगळे शेर उत्तम एक दोन ओळी कमी
सगळे शेर उत्तम
एक दोन ओळी कमी आवडल्या
एक शेरही सुचला (अर्थात काफियानुसारीच आहे म्हणा )
सगळ्या श्वासांचे करेल जी सोने
त्या घटिकेला मिडास मानू आता
ओह ! छानच
ओह !
छानच
खूपच छान!!
खूपच छान!!
वाह....आवडलीच ही गझल.
वाह....आवडलीच ही गझल.
लिबास??
लिबास??
साती लिबास म्हणजे वसने
साती लिबास म्हणजे वसने
पूर्वी आई दार उघडण्या जागे
पूर्वी आई दार उघडण्या जागे
त्यास पोरका प्रयास मानू आता
गझल छानच नेहमीप्रमाणे, खूप दिवसात तुमची एखादी कविता वाचली नाही..
एक नम्बर
एक नम्बर
'विकास', 'उदास' आणि मक्ता
'विकास', 'उदास' आणि मक्ता सर्वात छान वाटले.
भिडली..सगळे शेर आवडलेत..!
भिडली..सगळे शेर आवडलेत..!
जेथे तेथे 'मी'च आडवा येतो हे
जेथे तेथे 'मी'च आडवा येतो
हे कळणेही विकास मानू आता
टोल फक्त मरणाचा द्यावा लागे
जन्माला बायपास मानू आता
शिकायचे ते शिकून झाल्यावरती
'बेफिकीर'ला कशास मानू आता
बेस्ट....
अफलातून... नेहमीप्रमाणे
अफलातून... नेहमीप्रमाणे !
लिहायचे ते लिहिता आले नाही
आयुष्याला समास मानू आता
लिहायचे ते लिहिता आले नाही>>>>>अरेच्चा ! अस तुम्हालाही वाटत होय ?
धन्यवाद !
भन्नाट खयाल सगळेच . मक्ता
भन्नाट खयाल सगळेच .
मक्ता सर्वाधिक आवडला ..