मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by निशिकांत on 6 October, 2014 - 01:51
प्रश्न असुनी एवढे का लुप्त झाल्या चळवळी
चालती टीव्हीवरी नुसत्याच चर्चा वादळी
लाख ह्रदयीच्या कपारी, एक नाही मोकळी
साफ मी करतोच आहे आठवांच्या अडगळी
शोधता दिसला तुला का भक्त एखादा तरी?
माय अंबे, पोट भरण्या कैक झाले गोंधळी
नेसुनी साडी जरीची, दोन वेण्या घालता
मॉड पोरींना दिसे ती एक काकू वेंधळी
मारणार्‍या शिक्षकांनी घडवली अमुची पिढी
आत ते मउशार, वरचा पोत होता कातळी
ऐकली कोल्हेकुई पण लक्ष ना तिकडे दिले
रूढवाद्यांच्या मते मी क्रांतिकारी, वादळी
जा तुला जर जायचे तर, वायदा माझा तुला
मोकळी ठेवीन ह्रदयी जीवघेणी पोकळी
शुभ्र कपडे, हास्य ओठी अन् तरी नेते असे
चेहर्‍यावर भारताच्या फासती का काजळी?
वेग पाण्याचा बघोनी थांबसी "निशिकांत" का?
खळखळाटाच्या नदीला खोल नसते पातळी
निशिकांत देशपांडे.मो.क्र. ९८९०७ ९९०२३
E Mail--- nishides1944@yahoo.com
विषय:
Groups audience:
Group content visibility:
Public - accessible to all site users
शेअर करा
जा तुला जर जायचे तर, वायदा
जा तुला जर जायचे तर, वायदा माझा तुला
मोकळी ठेवीन ह्रदयी जीवघेणी पोकळी<<< वा
वा काका अतीशय सुंदर आणि
वा काका
अतीशय सुंदर आणि हळव्या मनाचे शुद्ध अंतःकरणाचे आहात तुम्ही आणि तुमची गझल समोरच्यालाही तसेच करून टकणारी !!
धन्यवाद काका
सुंदर
सुंदर
जा तुला जर जायचे तर, वायदा
जा तुला जर जायचे तर, वायदा माझा तुला
मोकळी ठेवीन ह्रदयी जीवघेणी पोकळी
>> व्वा!
माझा एक जुना शेर आठवला -
चल, अता विसरून जाऊ एकमेकांच्या खुणा
चल, अता ओढून घेऊ आतमध्ये पोकळी
- नचिकेत
सुंदर!!
सुंदर!!