हकनाक वेदनांचा येथे जमाव बसतो..

Submitted by दुसरबीडकर on 7 September, 2014 - 08:26

पाऊसलेखणीने जमिनीत काव्य कसतो..
कवितेत जिंदगीच्या तो एकरूप दिसतो..!!

म्हणतात कैक आधी जोडी खिलार होती..
आता खुटा रिकामा दारी उदास हसतो..!!

सत्कार सोहळ्याला ज्याच्याकडून शाली..
बांधावरी बिचारा तो बोडखाच असतो..!!

नुसताच आसवांचा अंदाज बांधल्याने,
रोपास भावनेच्या बघ कोंब येत नसतो..!!

इतक्या सुरेल ताना घेऊ नकोस दुःखा..
हकनाक वेदनांचा येथे जमाव बसतो..!!

-गणेश शिंदे,दुसरबिडकर..
९९७५७६७५३७

विषय: 
काव्यलेखन
साहित्य
शब्दखुणा: 
गझल
गजल
गणेश शिंदे
दुसरबिड
Groups audience: 
गुलमोहर - गझल
Group content visibility: 
Public - accessible to all site users
शेअर करा

आवडली
सगळे खयाल आवडले
इतक्या सुरेल ताना घेऊ नकोस दुःखा..<<< ही ओळ सर्वाधिक आवडली

पाऊस लेखणीने<<< असा एक स्पेसबार द्या मधे
धन्यवाद व शुभेच्छा

Submitted by वैवकु on 7 September, 2014 - 10:19

मनपुर्वक आभार वैवकु,समिरजी..विस्तृत प्रतिसादासाठी..!!
वैभवजी तो शब्द तसाच घेतला आहे..पावसाची लेखणी या अर्थाने..!

Submitted by दुसरबीडकर on 8 September, 2014 - 03:42

तरहीला जरा बदलावे लागेल.

इतक्या सुरेल दु:खा घेऊ नकोस ताना

गुस्ताखी माफ!

गझल शिक्षकाना शिक्षक दिनाच्या शुभेच्छा

Submitted by ताईसाहेब तुडतुडकर on 8 September, 2014 - 05:41

आवडली

Submitted by अरविंद चौधरी on 8 September, 2014 - 08:39