Submitted by करकोचा on 23 June, 2014 - 08:45
कर स्पर्श तू दवाचा, खुलते कळी अशाने
फुलतो गुलाब गाली, पडते खळी अशाने
याचक बनून आलो, वर्षाव कर स्मितांचा
भरतील मौक्तिकांनी ह्या ओंजळी अशाने
सुकवीत केस ओले सौधात का उभी तू?
निर्दोष माणसांचा जातो बळी अशाने
रंगात श्रीहरीच्या रंगू नकोस इतकी
होशील, गौर राधे, तू सावळी अशाने
समईपरी उशाशी तेवीत दोन डोळे
प्रत्येक रात्र होते दीपावळी अशाने
संदेश पाठवावे, विरही मना, कितीदा?
होईल दूत सारी मेघावळी अशाने
तिज धुंद सांजकाळी चिडवू नकोस इतका
एकादशी घडो ना तुज निर्जळी अशाने
विषय:
Groups audience:
Group content visibility:
Public - accessible to all site users
शेअर करा
छान
छान
क्या बात है.. आवडली..
क्या बात है..
आवडली..
क्या बात !! करकोचा..खूप
क्या बात !!
करकोचा..खूप दिवसांनी ...वाह क्या बात !!
सुंदर ..
सुंदर ..
बरेच शेर आवडले.
बरेच शेर आवडले.