Submitted by UlhasBhide on 30 May, 2014 - 07:45
ही कविता असली तरी आकृतीबंध गझलेचा असल्याने,
तसेच यात गझलेतील काही संज्ञा, संदर्भ आले असल्याने
वाचकवर्गात ’गझल विभाग’ समाविष्ट केला आहे.
काफियांचा काफिला (कविता)
शेपाटत काफिया-काफिला कोण चालला ?
शायर की, हा कुणी गुराखी भांग-झोकला !
मांड ठोकुनी मिसर्यांवरती, स्वैर दौडता
कळे न त्याला रिकीबीतुनी पाय निसटला
बांधुन मुसक्या, ’जमिनी’मध्ये शब्द गाडता
शेरामध्ये खयाल असतो हेच विसरला
बहर, काफिया, अलामतींची रिती बुडकुली
थंड चुलीवर भातुकलीचा खेळ मांडला
चवीपरीने खाणार्याला कसे रुचावे !
शिळ्या कढीला कितीही जरी ऊत आणला
.... उल्हास भिडे (३०-५-२०१४)
विषय:
Groups audience:
Group content visibility:
Public - accessible to all site users
शेअर करा
(No subject)
चवीपरीने खाणार्याला कसे
चवीपरीने खाणार्याला कसे रुचावे !
शिळ्या कढीला कितीही जरी ऊत आणला
व्वा.
माझ्या भावना पोहोचवल्याबद्दल आभार.
शहाण्यालाच शब्दाचा मार मधे च फार महत्त्वाचा.
आता बहुधा ह्या जमीनीचीही धडगत नाही.
समीर
माझ्या भावना पोहोचवल्याबद्दल
माझ्या भावना पोहोचवल्याबद्दल आभार. >>> +१
छान
छान
आता बहुधा ह्या जमीनीचीही धडगत
आता बहुधा ह्या जमीनीचीही धडगत नाही.<<<
बहर, काफिया, अलामतींची रिती बुडकुली<<<