मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by निशिकांत on 24 April, 2014 - 01:15
सुंभ जळाले, पीळ ना जळे
गतवैभव का अंतरी छळे ?
कुणी न पुसतो कुणास पण का?
पोरांसाठी जीव तळमळे
राजहंस मी शोधशोधले
राजकारणी सारे बगळे
झाड लावले, कुणी पोसले?
कोण चाखती गोमटी फळे?
किनार्यावरी बसणार्यांना
कशी कळावी गाज, वादळे?
हात, कमळ अन् सफेद टोपी
वाटत नाही कुणी वेगळे
हवी देणगी, देव हरवला
जनीसोबती दळण जो दळे
परके करती वार, आपुले
केसाने का कापती गळे?
"निशिकांता" हा न्याय जगाचा
खुशी कुणाला, कुणी तळमळे
निशिकांत देशपांडे. मो.क्र. ९८९०७ ९९०२३
E Mail--- nishides1944@yahoo.com
विषय:
Groups audience:
Group content visibility:
Public - accessible to all site users
शेअर करा
छानच
छानच
हात, कमळ अन् सफेद टोपी वाटत
हात, कमळ अन् सफेद टोपी
वाटत नाही कुणी वेगळे
हवी देणगी, देव हरवला
जनीसोबती दळण जो दळे<<< छान खयालांचे शेर!
अरविंदजी, बेफिजी मनापासून
अरविंदजी, बेफिजी मनापासून आभार आपले प्रतिसादासाठी.