Submitted by बेफ़िकीर on 12 April, 2014 - 08:41
नको बाहेर उंडारूस... पथ्ये पाळ आभाळा
उन्हाळा लागला आहे जरा सांभाळ आभाळा
ढगांच्या ओढणीने झाक काही पोरकी शिखरे
कसे येते तुला समजेल मग आभाळ आभाळा
तुला दिसतात आनंदात वरुनी...पण इथे सारे
जणू आभाळ फुटल्यासारखे घायाळ आभाळा
क्षितीजाच्याच का घेतोस कायम चोरट्या भेटी
कधी माझ्या खुज्या वृत्तीवरीही भाळ आभाळा
इथे नाजूक वळणांचा जमाना चालला आहे
जरा अलवार स्पर्शांनी ऋतू हाताळ आभाळा
नकोशी वाटते माध्यान्ह एकाकी प्रवासाची
मला आणून दे तू थेट संध्याकाळ आभाळा
तुला वाटेल मी घेतो भरार्या गाजण्यासाठी
धरा फेटाळते आहे मला कवटाळ आभाळा
तुझी निर्लज्ज तलखी सोसतो आहोत केव्हाची
जगाच्या पश्चिमेला जाउनी ओशाळ आभाळा
कुणी गारांमुळे मेले कुणी वृष्टीमुळे मेले
कुणी उरलेच तर आहेच की दुष्काळ आभाळा
-'बेफिकीर'!
विषय:
शब्दखुणा:
Groups audience:
Group content visibility:
Public - accessible to all site users
शेअर करा
तुला वाटेल मी घेतो भरार्या
तुला वाटेल मी घेतो भरार्या गाजण्यासाठी
धरा फेटाळते आहे मला कवटाळ आभाळा >>>>>> मस्त
सगळेच शेर सुंदर.
सगळेच शेर सुंदर.
आवडली गझल.
आवडली गझल.
वाह ,किती सहज सुन्दर
वाह ,किती सहज सुन्दर गझल..!!!..
सुंदर गझल
सुंदर गझल
धन्यवाद
धन्यवाद
Pages