पारदर्शक एवढा झालास तू.....

Submitted by जयदीप. on 9 April, 2014 - 15:46

वागणे माझे मला नाही पटत
बोलणे माझे मला नाही कळत

पारदर्शक एवढा झालास तू.....
सावली आता तुझी नाही पडत

जन्मलो अन् वाढलो होतो तिथे
ओळखीचा चेहरा नाही दिसत

बोचली होती फुले तेव्हा जशी
एकही काटा मला नाही सलत

मी कधी फुलपाखरू, पक्षी कधी
भाग्यही म्हणते मला "गेला उडत! "

संपतो संपायचा असतो जिथे
शेवटी रस्ता कधी नाही वळत!

जयदीप

विषय: 
काव्यलेखन
Group content visibility: 
Public - accessible to all site users
शेअर करा

पारदर्शक एवढा झालास तू.....
सावली आता तुझी नाही पडत

व्वा….

संपतो संपायचा असतो तिथे
शेवटी रस्ता कधी नाही वळत!

चांगला आहे….

छान गझल.

Submitted by वैभव फाटक on 9 April, 2014 - 23:20

पारदर्शक एवढा झालास तू.....
सावली आता तुझी नाही पडत

बोचली होती फुले तेव्हा जशी
एकही काटा मला नाही सलत

मी कधी फुलपाखरू, पक्षी कधी
भाग्यही म्हणते मला "गेला उडत! "

>> कमाल!!
व्वाह!

Submitted by रसप on 10 April, 2014 - 01:30

बहुत खुब ...बेहतरीन ..गझल आवडली.

पारदर्शक एवढा झालास तू.....
सावली आता तुझी नाही पडत

क्या बात !

Submitted by सुशांत खुरसाले on 11 April, 2014 - 10:56