वर्म भक्तिचे ...

वर्म भक्तिचे ...

भक्तिचे ते वर्म | संतांसीच ठावे | येर ते करावे | कवायती ||

कवायती जेथे | नाही काही भाव | सर्व काही वाव | वृथा शीण ||

वृथा शीण सारा | टाकून आघवा | घेई त्वरे ठावा | संतांपायी ||

संतापायी कळे | भावचि निर्मळ | भेटवी केवळ | भगवंत ||

भगवंत नित्य | राही ह्रदयात | कौतुके पहात | भक्ताकडे ||

भक्तासि कदापि | नसे विभक्तता | लाभते मुक्तता | अनायासे ||

अनायासे ऐसे | घडेल का सारे | पुन्हा पुन्हा जारे | संतांपायी ||

--------------------------------------------------------------------------