मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by जयदीप. on 17 November, 2013 - 23:43
टाकले जे घास त्यांनी, लागलो मी खायला
मी कुठे जाणार होतो, पंगती जेवायला
प्रश्न भांबावीत आहे, कालचा माझा मला
मी तुला शोधीत आहे, उत्तरे मागायला
तू नको येऊस आता, आठवांच्या त्या घरी
मी अता लाचार आहे... गाव ते सोडायला
का अवेळी जाग आली?..झोप ना लागे मला
पालवीचे स्वप्न माझे... लागले संपायला...
हाक माझी ऐकणारे, कान ते गेले कुठे
आव का बहिरेपणाचे लागले आणायला..?
का अता 'जयदीप' माझा, लागला तेवायला
शेर माझे लागले की..'पावली' मिळवायला...
विषय:
Group content visibility:
Public - accessible to all site users
शेअर करा
हुश्श !! जमली बुवा एकदाची
हुश्श !! जमली बुवा एकदाची !!!
तरीही संपायला हा काफिया कमी चपखल वाटला आणि मक्त्यात पावली का आली ते समजले नाही पावली ह्या रकमेशी संबंध आहे की दुसरा काही अर्थ आहे ?
जयदीप, तू नको येऊस आता,
जयदीप,
तू नको येऊस आता, आठवांच्या त्या घरी
मी अता लाचार आहे... गाव ते सोडायला
व्वा...
वरील दोन्ही ओळी वरकरणी स्वतंत्र वाटतात. मात्र, दोन ओळीतील संबंध समजल्यावर मजा येते.
पुलेशु.
वरकरणी स्वतंत्र वाटतात.<<
वरकरणी स्वतंत्र वाटतात.<<
तुम्हा दोघांचे धन्यवाद!!
तुम्हा दोघांचे धन्यवाद!!
पावली: संबंध रक्मेशी आहे... पावली..(४ आणे)... आज काल ४ आण्यात विशेष काही येत नाही...
त्यातच जेवढे काही मिळते...त्यावरून प्रोत्साहन घेऊन लिहिण्याचा प्रयत्न करीत राहणे!!! 
आवडली व पावलीही !!
आवडली व पावलीही !!
धन्यवाद...
धन्यवाद...