Submitted by कल्याणी कृपाल on 17 November, 2013 - 05:33
आवरलेही असते मी सैरभैर वार्याचे पसारे...
पण मग दवभरला गुलमोहोर मनभर सांडायचा कसा ?
घातल्याही असत्या शपथा मी मेघांना अवेळी न दाटण्याच्या
पण मग सात रंगाचा खेळ आकाशात मांडायचा कसा ?
शोधलाही असता मी मनाचा नकाशा कुठल्याशा पुस्तकात
पण मग रानभुलीचा मोहक शाप भोगायचा कसा ?
धाडल्याही असत्या मी तुझ्या सार्या आठवणी वेशीपार...
पण मग चंद्र माझ्या पापण्यांखाली भिजायचा कसा ?
घेतलंही असतं मी वागणं मापून-आखून सगळं...
पण मग चुकार कवितांचा संसार थाटायचा कसा ?
------------------------------------------------------------------------------
विषय:
Groups audience:
Group content visibility:
Public - accessible to all site users
शेअर करा
Shevatchya don olee
Shevatchya don olee avadalya..