Submitted by जयदीप. on 27 October, 2013 - 04:02
कधी कधी आपणही नकळत भटकत असतो
त्या हरवलेल्या दु:खांशी भरकटत असतो
सुख पाहुणा.. जाणारच नक्की असतं, आपण
दु:खाला खोली हक्काची बनवत असतो
दु:ख खूप झाले की दुसर्याचेही बघतो
अपुले कमी म्हणून स्वतःस सुखवत असतो
सुखात लाख विरघळतो जरी आपण सारे
दु:खाचाच क्षण आपल्याला घडवत असतो
का 'जयदीप' तेवत निवांत नेहमी दिसतो?
तो दु:खाचेही असेच 'सण' मनवत असतो!
विषय:
Group content visibility:
Public - accessible to all site users
शेअर करा