चष्म्याचा नंबर कमी करणे / घालवणे

मी ​चौथीत ​होते तेव्हा​ मला ​चष्मा​ लागला. चष्मा वापरायला सुरुवात केली​, तेव्हा नंबर ४ च्या आसपास होता. ​डॉक्टरांनी ​" चष्मा​ ​नियमितपणे ​वापरला नाहीस , ​तर नंबर वाढेल हो ' ​असा बागुलबुवा दाखवल्यामुळे​ ​झोपायची वेळ सोडल्यास पूर्ण वेळ
चष्मा​ लावून असायचे. ​(अगदी आंघोळीच्या वेळीही चष्मा​ लावलेला आठवतोय.) आई गाजराचा रस काढून द्यायची. त्यानेही काही फायदा झाला नाही. ​(नंतर कळले कि बीटा कॅरोटीन असते, ज्याचे 'अ' जीवनसत्वात रुपांतर होण्यासाठी त्यानंतर लगेचच प्रथिने घेण्याची गरज असते.) नंबर मात्र वाढतच राहिला आणि नंतर ९.५० वर डावा आणि ७.०० वर उजवा असा स्थिर झाला.

​२ वर्षांपूर्वी एक पुस्तक हातात आले. Better Eyesight Without Glasses ​by Dr. Bates​ आणि माझा पूर्ण दृष्टीकोनच बदलला. पण हे पुस्तक खूपच technical ​होते आणि यात सांगितलेले व्यायामही ​​​अत्यंत तपशीलवार सांगितल्याने अवघड वाटत होते. पण त्यामुळे चष्मा काही काळ तरी काढून ठेवायला हवा, अशी इच्छा होऊ ​लागली. पण धीर होत नव्हता, कारण एवढ्या नंबरला हातभर दूरवरचे ही दिसायचे नाही. आणि मग, जसं शिष्याची इच्छा प्रबळ झाली कि गुरु मिळतो तसंच माझी इच्छा प्रबळ होत जाऊ न एकदा डॉ. धीरेन गाला यांचे खालील पुस्तक हातात आले.
​
http://www.bookganga.com/eBooks/Books/details/4840210807996561616?BookNa...

खूप जुनी आवृत्ती होती, १९८७ ची. आणि त्यावर फक्त एक पत्ता आणि एक दूरध्वनी क्रमांक दिला होता. जिद्द न सोडता २-३ दा तो नंबर वेगवेगळ्या वेळी लावल्यानंतर, एकदा कोणीतरी तो उचलला. मी घाबरत घाबरतच "हे दृष्टी सुधार केंद्र आहे का" अशी चौकशी केली. आणि त्यानंतरचा प्रवास संस्मरणीय आहे. डॉ. धीरेन गा​लांनी माझ्या चष्म्याचा नंबरच कमी केला नाही तर ​​इतरही बऱ्याच बाबतींत माझे डोळे उघडले.
रोज १५-२० मिनिटे डोळ्यांचे व्यायाम, Accupressure points​ आणि चुम्बकाचा चष्मा यांच्या सहाय्याने नंबर कमी कमी होता गेला. ​गेल्या सहा महिन्यांत दोन्ही डोळ्यांचा नंबर २ ने कमी झाला. ​आता रस्त्यावरही चष्मा न घालता आरामात फिरते. मीटिंग रूम मध्ये colleagues​ च्या चेहऱ्यावरचे expressions​ दिसतात. ​
​वयाच्या ३० व्या वर्षी हे प्रगती उल्लेखनीय अशीच म्हणता येईल. या अनुभवावर लेख लिहिण्याचे मनात होतच पण नंबर पूर्ण गेल्यानंतर लेख लिहूया असा विचार केला होता. पण जेव्हा हा धागा दिसला तेव्हा वाटले कि "कल करे सो आज कर…"

​इच्छुकांसाठी खाली डॉक्टरांचा पत्ता आणि नंबर दिला आहे. मुंबईत राहणाऱ्यांसाठी सोमवार ते शनिवार संध्याकाळी ४ ते ७ या वेळेत डॉक्टर practice करतात.

Dr Dhiren Gala
A, Abbas Building, 1st Floor, Jalbhai Lane, Grant Road, Near Tilak Road, Mumbai - 400007
+(91)-9833443937
+(91)-22-23867275​
​
मायनस नंबर असेल तर कमी होत नाही​​ >>> माझा नंबर ​मायनस​च आहे आणि तरीही ​कमी झालाय आणि होतोय.

लेजर सर्जरी करून घ्या. ​​>>>​ मी लेझर सर्जरीच्या​ ​विरोधात​​ आहे. शस्त्रक्रियेच्या failure पेक्षाही ​ डोळ्यांवर कायमस्वरूपी चरे मारणे हेच पटले नाही.