नगदीत "ना" तुझी अन् "हो" का उधार आहे?
हा प्रेम दावण्याचा कुठला प्रकार आहे?
तू नेहमी शिकारी अन् मी शिकार आहे
घायाळ होत जगणे जडला विकार आहे
बाहूत एवढा मी असतोय धुंद तुझिया
मृत्त्यू खुणावतो पण देतो नकार आहे
रागावणे, अबोला मी झेलतो खुशीने
नक्की तुझ्या मनीही ओली कपार आहे
चुचकारले सुखाला वश ते कधी न झाले
दु:खास हासण्याची विणतो किनार आहे
का कर्मकांड करुनी फाल प्राप्त होत असते?
सूर्यास अर्घ्य पण मी देतो त्रिवार आहे
बुजवावयास भेगा, कसला करू गिलावा?
दोघात फार मोठी पडली दरार आहे
कळपात श्वापदांच्या जगलो निवांत होतो
शेजार माणसांचा मोठा जुगार आहे
भक्तास शोधताना याचक विठूस दिसले
स्वार्थात अंध जो तो जगतो भिकार आहे
"निशिकांत" ओळखावे पंखातल्या बळाला
भाग्यावरी तुझी का इतकी मदार आहे?
निशिकांत देशपांडे. मो.क्र. ९८९०७ ९९०२३
E Mail--- nishides1944@yahoo.com
विकार, जुगार आणि मदार आवडले.
विकार, जुगार आणि मदार आवडले.
मतला आवडला
मतला आवडला
मस्त....
मस्त....
अनेक शेर छान आहेत जुगार
अनेक शेर छान आहेत
जुगार काफिया शेरात हाच हवा होता का की दुसरा चालला असता असे वाटले
कपार ह्या काफियास नीट न्याय मिळाला नाही असे वाटले
दुसरा शेर हुस्ने मतला नसता तर अधिक छान झाला असता का असे वाटले
अजून बरेच काही वाटले पण मला उगाच काहीही वाटते असे वाटेल की काय असे वाटले म्हणून इथेच थांबतो
असो.....
मतला व मक्ता सर्वाधिक छान वाटले ...:)
एकंदर इतकेच की गझल बरीचशी काफियानुसारी वागते आहे
धन्यवाद काका
मतल्यावर जान कुर्बान ! नक्की
मतल्यावर जान कुर्बान !
नक्की तुझ्या मनीही ओली कपार आहे >>मस्तच !
मतला, 'दरार' आणि 'जुगार' हे
मतला, 'दरार' आणि 'जुगार' हे सर्वात विशेष वाटले.