कधी होऊ..

Submitted by रमा. on 3 October, 2013 - 04:22

कधी होऊया पक्षी आपण, अन उडूया आकाशी
वार्‍यासंगे पैज लाऊया, मारू गगनभरारी

कधी होऊया उनाड लाटा क्षितिज सागरावरच्या
बिलगू चंद्राच्या प्रतिबिंबा, साठवून अंतरी

कधी होऊया तरंग मनीचे, विचार सैरावैरा
होऊ आपण कविता, कधी अन उतरू कागदावरी

कधी होऊ आपण गाणे, अन होती स्वर हे रस्ते
शब्द कोवळे ऊन अंगणी पोचवती मज घरी..

Group content visibility: 
Public - accessible to all site users