सप्तसुरांचे सुरेल गाणे मनात हलके झंकारावे
मैफिल माझी, तुला तरीही नजरकडांनी धुंडाळावे
तुझ्यासवे का वाटे ओल्या मातीलाही गंधाळावे?
ओल असोनी, काळजात का तू नसताना भेगाळावे?
पुरे जाहले थेर गुरूंचे आश्रम सारे गुंडाळावे
ज्ञान सांगती, स्त्रीस पाहता, आस जागते कवटाळावे
नका विचारू या वयातही असा कशाने पाय घसरला
झुळझुळ वाहे प्रेम तुझे पण पात्राने का शेवाळावे?
तुझ्या सोबती सुवर्णक्षण हे जगता झालो धुंद एवढा!
जरा थबकुनी काळानेही या वळणावर रेंगाळावे
आयुष्याचे वस्त्र शोभते सुखदु:खाची किनार असता
आनंदाला मिठीत घ्यावे, वेदनेसही कुरवाळावे
मार्ग काढण्या संकटातुनी ज्याचा त्यानी यत्न करावा
संध्यापात्री पाणी घेउन व्यर्थ देव का खंगाळावे?
सीमोलंघन कुठी राहिले? विजय कोणता मिळवत असतो?
दसर्यादिवशी परंपरेने तरी पतीला ओवाळावे
लेखाजोखा आयुष्याचा सर्वज्ञानी विठूस ठावे
"निशिकांता" का माथा टेकुन दु:ख एवढे पाल्हाळावे?
निशिकांत देशपांडे. मो.क्र. ९८९०७ ९९०२३
E Mail--- nishides1944@yahoo.com
सर्वज्ञानी - एक मात्रा कमी
सर्वज्ञानी - एक मात्रा कमी आहे निशिकांतजी.
बर्याच ओळी आवडल्या.
शुभेच्छा!
हुस्न-ए- मतला... व्वा ! सुंदर
हुस्न-ए- मतला...
व्वा !
सुंदर
मस्त
मस्त
सगळे शेर छान
सगळे शेर छान
झुळझुळ वाहे प्रेम तुझे पण
झुळझुळ वाहे प्रेम तुझे पण पात्राने का शेवाळावे?<<< व्वा
सर्वज्ञानी - मात्रा ठीक आहेत असे वाटते.
'शेवाळावे' आणि मक्ता सर्वात
'शेवाळावे' आणि मक्ता सर्वात विशेष वाटले.
पण मक्त्यातील 'पाल्हाळावे' हे तितकेसे रुचले नाही.
सर्वज्ञानी - मात्रा ठीक आहेत असे वाटते. >>> सहमत.
गागागागा = ८
सर्+वद्+न्या+नी असे करायला
सर्+वद्+न्या+नी असे करायला मला अवघड जात आहे. उच्चारात अर्धी मात्रा कमी पडतेय की काय असे फिल होत आहे, असो.