भक्तीचे महा माया जाल...

Submitted by डॉ.विक्रांत प्र... on 20 August, 2013 - 14:31

आता आता जरा जराशी
भक्ती करू लागलो आहे
भक्ती करणे हाती नसते
काही समजू लागलो आहे

भक्ती म्हणजे खास काही
तसे वेगळे करणे नसते
अन शरणागती म्हणजे हि
ठरवून शरण जाणे नसते

मन मनाशी उगाच खेळते
परी मना ते ठावूक नसते
सुटले जरी धन दारा सुत
मन अजून सुटलेले नसते

इथला सुटला जरी हव्यास
तिथला परी अजून असतो
भक्तीचे हे महा माया जाल
कुणी विरळा एक जाणतो

विक्रांत प्रभाकर
http://kavitesathikavita.blogspot.in/

Group content visibility: 
Public - accessible to all site users