आज व्यायाम केला ?

मी सध्या रोज ३०-४० मिनिटे पळतोय आणि २०-३० मिनिटे चालतोय. सध्या राहतोय ते ठिकाण ते ऑफिस ८.५ किमी अंतर आहे ते पळत आणि चालत काटतो परत येताना. २१ ऑक्टोबरला अर्ध मॅराथॉन पळायची आहे त्यासाठी हे ट्रेनिंग सुरु केले आहे. हळुहळु पळण्याचे अंतर वाढेल आणि चालण्याचे कमी होइल.
जुलैपासून आठवड्यातून तीन वेळा पळणे (४५ मिनिटे २ दिवस आणि १.१५-१.३० तास १ दिवस). बाकीचे दिवस सायकलिंग.
मुद्दामून इथे लिहित आहे म्हणजे जर आळसावलो तर किमान लाज वाटेल की लोक काय म्हणतील मॅराथॉन नाही पळालो तर.

टण्या, मॅरेथॉनसाठी शुभेच्छा!

मुद्दामून इथे लिहित आहे म्हणजे जर आळसावलो तर किमान लाज वाटेल की लोक काय म्हणतील मॅराथॉन नाही पळालो तर. <<< हो, सगळे लिहायचे. आणि काय काय करायचे ठरवले आहेस, हेही (रोज) लिही. लाजेखातर ते सगळे आळस बाजूला ठेवून आपल्याकडून केले जाते.

खरेच, रोज आजपासुन सुरू म्हणतेय पण सुरू कहई होत नाही. ३० मार्चला शेवटचे चालले ५ किमि, त्यानंतर रोज अंतर कमी कमी होत आता व्यायामच पडलाय पुरता. आज संध्याकाळी नक्की जाईनच. उद्या इथे अपडेट देईनच.

गेला एक आठवडा सलग सायकलिंग करतेय.
३ किमी पासून सुरू करून दररोज १२-१४ किमी पर्यंत.
मजा येतेय.
पण कार्ब्ज क्रेविंग खूप होतंय सायकल चालवल्यावर.
ते ही कमी व्हायला हवं.
सध्या लेकाला सुट्टी असल्याने दररोज काही तरी स्पेशय खायला प्यायला असतं त्यातलंही खाल्लं जातय.

पण कार्ब्ज क्रेविंग खूप होतंय सायकल चालवल्यावर.

म्हणजे काय???

म्हणजे कार्बोहायड्रेट असलेले पदार्थं खावेसे वाटतात. भात/ चिवडा इ.

ओह असेही असते का, मला माहित नव्हते. मला चिवडा बघितला की लगेच्खावासा वाटतो. याला क्रेविंग नाही येणार म्हणता

खूप दिवसात कोणीच व्यायाम केला नाही की काय?

मी पळायला सुरुवात केल्या दिवसांचा हा बाफ साक्षी आहे त्यामुळे आवर्जून इथे लिहितोय की माझ्या नोंदींप्रमाणे मी धावायला सुरुवात केल्यापासून (५ सप्टेंबर २०१३) मागच्या आठवड्यापर्यंत (५ जून २०१४ रोजी ) १००० किमीचा टप्पा पुर्ण केला.

अर्थात याचे सर्व श्रेय मी ज्यांच्याबरोबर पळतो त्या माझ्या गृपला आहे.

मी ज्या दिवशी हा टप्पा पार केला त्यादिवशी मी श्री. जुगल राठी यांच्या बरोबर डेक्कन जिमखाना येथे ८ फेर्‍या धावलो. त्यात विशेष गोष्ट ही आहे की त्या दिवशी श्री. राठी यांनी स्वतःच्या ६७व्या वाढदिवसाच्या निमित्ताने डेक्कन जिमखान्याच्या मैदानाला ६७ फेर्‍या मारल्या. त्यांनी सकाळी ५ वाजता सुरु करून ८ वाजायच्या आतच हे अंतर पुर्ण केले...

बर्‍याच सातत्याने गेले अनेक महिने ५/वीक ५ किमी *४० मिनिटे चालू आहे

जवळपास तीन वर्षे कोणीही व्यायाम केलाच नाही की काय?

आज पाहिला हा बाफ... लिहीत जाईन इथे आता...
१४ डीसे: नाही केला व्यायाम