टांगारु आली ( विडंबन )

एक स्त्रीआयडी धारिका गटगला गेली. पण काय घोळ झाला, तिला टांगारू नाव का मिळाले आणि तिची अवस्था काय झाली याची कारुण्याने ओतप्रोत भरलेली ही काव्यकथा. ड्युआयवर देखील असा प्रसंग येऊ नये.
(डिसक्लेमर : कुठल्याही जिवंत, मृत अथवा मृतात्म्याशी वा प्राण्याशी या कवितेचा कसलाही संबंध नाही. बादरायण संबंध जोडल्यास पूर्ण प्रोत्साहन देण्यात येईल मात्र जबाबदारी झटकली जाईल. धन्यवाद.)
====================================================================

पडेना छाया अशी ही काया,
पुनव लॊगिन झाली,
सुलटे पाऊल, उलटे करुनी
आयडीस्वाहण्या आली.

टांगारु आली, चिंचेवरुनी खाली
पाहुनी आली, गटगण्याची थाळी ,
उदरी झाली, भुकेने कावळकावळी
मिळेना कोणी, आयडी वेळेवरती
सुकूनी गेली, अजूनी फिरे भवताली.

टांगारू आली, पळा चिकन सोडुनी
राहू द्या हड्डी, तशीच दाताखाली.
टांगारु आली..

गेल्या वेळेला, जरी वेळेला, गटगच्या स्थळा, आली ही नार
पाहिल्या चुकुनी तारखा, सालच्या गेल्या, लावुनी बार
शेवटी, गटांगळी तटी, खपाटी पोटी , सोसेना भार

शर्करा, कमिभरली नाडी, मिळे ना हाताची
फेफरे, बोबडी वळली, तशात पोरीची

मी डोसा नि इडली, मागुनी थकली, खाद्यसभा भवताली
ही पडली रडली, अशी उलथली, सांडली अन्नमहाली

टांगारू आली, झाडावरुनी खाली
झपाटण्या आली, तिच्या नावची डमी
ती हलकी गाली, देतसे गटांगळीवेळी
टांगारु आली, पुनवलॉगिन झाली

- Kiran..