काळू कुत्रा

Submitted by डॉ.विक्रांत प्र... on 11 April, 2013 - 03:33

काळू कुत्रा गल्ली मधला
गल्ली सोडून कधी न गेला
अन आमच्या जीवनातील
एक अविभाज्य भाग झाला

उगाच भुंके याला त्याला
नच धाडस पण चावण्याला
अन माने मालक आपुला
गल्ली मधल्या प्रत्येकाला

ऐट मिरवे कावळे हाकलीत
मरतुकड्यावर फुकाच धावत
नंतर येवून उभा राहतो
मोठा पराक्रम केल्यागत

भरदुपारी गेट समोर
ताणून देई उन्हात शेकत
आल्या गेल्या कुणा न पाही
मुन्सिपालटी पहारेकरयागत

विक्रांत प्रभाकर
http://kavitesathikavita.blogspot.in/

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा