Submitted by निशिकांत on 2 April, 2013 - 00:30
शेवटी होऊ नये का तेच झाले?
गारदी देण्यास खांदा फक्त आले
चेहर्याच्या आड मी डोकावलो अन्
वाटले जे आपुले, परके निघाले
फक्त सदरे घातल्याने माणसांचे
मान मिळतो श्वापदांना, हे कळाले
शांतता समितीवरी अध्यक्ष केले
नेमके दंग्यात ज्याचे घर जळाले
राष्ट्रद्रोही अन् जिहाद्यांचाच पुळका
अन् हुतात्मे विस्मृतीमध्ये बुडाले
पाहिला पोलीसखाक्या अन् दरारा
गुंड त्यांचे दोस्त, पीडित धुम पळाले
लोकशाही भोगली मनसोक्त लुटली
लूट घेउन सभ्य स्वीडनला उडाले
प्यायला पाणी नसे, हाती जनांच्या
घोषणांनी फक्त भरले रिक्त प्याले
चांगल्या "निशिकांत" गोष्टी सांगता मी
का मला सारेच बुरसटला म्हणाले?
निशिकांत देशपांडे मो.क्र. ९८९०७ ९९०२३
E Mail--- nishides1944@yahoo.com
विषय:
Groups audience:
Group content visibility:
Public - accessible to all site users
शेअर करा
फक्त सदरे घातल्याने
फक्त सदरे घातल्याने माणसांचे
मान मिळतो श्वापदांना, हे कळाले
>>> छान.
धन्यवाद कणखरजी प्रतिसादासाठी.
धन्यवाद कणखरजी प्रतिसादासाठी. टायपो दुरुस्त केलाय
छान विरोधाभास
छान विरोधाभास
सगळे शेर आवडले काका
सगळे शेर आवडले काका
लै भारीए हे काका .........
लै भारीए हे काका .........
छान .... आवडली...
छान ....
आवडली...
>>>लूट घेउन सभ्य स्वीडनला
>>>लूट घेउन सभ्य स्वीडनला उडाले
आपल्याला स्वित्झर्लंड म्हणायचं असावं बहुदा...
स्वीडन आणि स्वित्झर्लंड हे दोन्ही वेगवेगळे देश आहेत.
स्वीडन आणि स्वित्झर्लंड हे
स्वीडन आणि स्वित्झर्लंड हे दोन्ही वेगवेगळे देश आहेत.>>>>>> माहितीसाठी आभार