Submitted by राजीव मासरूळकर on 3 March, 2013 - 08:30
।।माझी शाळा।।
माझी शाळा माझी शाळा
मज आवडते माझी शाळा ।।धृ।।
छोटुकल्यांना लळा लाविते
धाटुकल्यांचा मळा फुलवते
अज्ञानाच्या झळा पळविते
झुळझुळते निर्मळा।।१।।
फुलामुलांच्या गोष्टींमधुनी
प्राणी पक्षी सृष्टीमधुनी
गुरूजनांच्या दृष्टीमधुनी
दिसती जीवनकळा।।२।।
सुंदर सवयी अंगी बाणवी
पशूस जगणे देई मानवी
नष्ट कराया वृत्ती दानवी
झिजते ही प्रेमळा।।३।।
गाव राज्य अन् देशासाठी
विश्वाच्या समृद्धीसाठी
प्रेम दया मानवतेसाठी
स्फुर्ती दे तिळतिळा।।४।।
- राजीव मासरूळकर
विषय:
Groups audience:
Group content visibility:
Public - accessible to all site users
शेअर करा
छान गीत..
छान गीत..
शामजी, हार्दिक आभार !
शामजी,
हार्दिक आभार !
आवडली पण अगदीच 'बालगीत' नाही
आवडली पण अगदीच 'बालगीत' नाही वाटत
(वैयक्तिक मत राग नसावा )
वैवकु, हार्दिक आभार ! मान्य
वैवकु,
हार्दिक आभार !
मान्य आहे. राग नाहीच. बालकांच्या भावना त्यातून निरागसतेने व्यक्त झालेल्या नाहीत . पोक्त भाव आहेत . बालगीत नाही वाटत पण बालकांसाठी ते नक्कीच चांगलं आहे , यात शंका नसावी !
सुरेखच.
सुरेखच.
शशांकजी , मनःपूर्वक धन्यवाद !
शशांकजी ,
मनःपूर्वक धन्यवाद !
कुमार गीत ! छान आहे .
कुमार गीत ! छान आहे .
मनःपूर्वक धन्यवाद
मनःपूर्वक धन्यवाद ,
विक्रांतजी.
विक्रांतशी सहमत.आवडली कविता.
विक्रांतशी सहमत.आवडली कविता.
भारती बिर्जे, (आणि
भारती बिर्जे,
(आणि विक्रांतजी)
कुमार गीत किंवा किशोर गीत म्हणूया !
चालेल ना ?
हार्दिक आभार !