रंगपंचमी

फाल्गुन पंचमी म्हणजेच रंगपंचमी आता महिन्यावर येऊन ठेपली आहे, पण निसर्गात रंगीबेरंगी फुलांची हि रंगपंचमी केंव्हाच सुरु झाली. निसर्गदेवतेने लाल, गुलाबी, पिवळा, हिरवा, निळा अशा विविध रंगांचे घटच्या घट या फुलांवर रीते केले आहेत. फक्त नजर पाहिजे ती या सौंदर्याला टिपणारी. फार पूर्वी शाळेत असताना पाठ्यपुस्तकात कि कोणत्यातरी गोष्टीच्या पुस्तकात वाचलेली एक गोष्ट हा रंगोत्सव पाहताना आठवली. ती काहिशी अशी...

फार फार वर्षापूर्वी म्हणे एकाही फुलाला रंग नव्हता. सगळी फुले पांढरीच. गुलाब, अबोली, चाफा, मोगरा, केवडा, शेवंती इ. सारी फुले पांढरीच. या फुलांकडे मनाला धुंद करणारा सुवास होता पण मन मोहणारे रंग मात्र नव्हते. सर्व फुलांना याचे फार वाईट वाटायचे. आभाळात इंद्रधनुचे रंग पाहिल्यावर आपल्याला पण असे रंग असावेत असे मनात यायचे. शेवटी त्यांनी आभाळाकडे आपले म्हणने मांडायचे ठरवले आणि त्याप्रमाणे इंद्रधनुष्याप्रमाणे आम्हालाही रंगीबेरंगी करा म्हणुन विनंती केली. आभाळानेही त्यांची हि विनंती एका अटीवर मान्य केली. ती अट अशी की फक्त एका दिवसांसाठी सगळ्या फुलांना रंग मिळतील, मात्र दुसर्‍या दिवशी हे रंग पुन्हा आभाळाला परत करायचे. एक दिवस तर एक दिवस. फुलांचे हे स्वप्न साकार होणार म्हणुन त्यांनी लगेच होकार भरला. ठरल्याप्रमाणे आभाळाने फुलपाखरांना बोलावून त्यांच्यासोबत रंगाचे घडे दिले आणि हे सारे रंग फुलांना देण्यास सांगितले. फुलपाखरं हे सारे घडे घेऊन पृथ्वीवर आले आणि त्यांनी एका एका फुलांवर हे रंगाचे घड उलटवण्यास सुरूवात केली. बघता बघता सारी फुले विविध रंगात न्हाऊन गेली. हि फुले इतकी होती कि फुलपाखरांकडे असलेले रंगाचे घड संपून गेले आणि काहि फुले मात्रा पांढरीच राहिली. स्वतःचे रंगिबेरंगी रूप फुलांना इतके आवडले कि त्यांनी दुसर्‍या दिवशी हे रंग आभाळाला परत न देण्याचे आणि कायम याच रंगात राहण्याचे ठरवले. आभाळाने दुसर्‍या दिवशी रंग परत मागितल्यावर त्यांनी ठाम नकार दिला. शेवटी आभाळाने फुलपाखरांना बोलावून पुन्हा रंग घेऊन येण्यास सांगितले. आभाळाचा हा निरोप घेऊन फुलपाखरं या रंगिबेरंगी फुलांवर येऊन त्यांना रंग परत करण्याची विनवणी करत आहे, पण फुलं मात्र ते देण्यास चक्क नकार देत आहे. आजही बिचारी फुलपाखरं सकाळी लवकर उठुन आभाळाचा हा निरोप घेऊन विविध फुलांवर फिरत आहे आणि संध्याकाळी निराश होऊन परत आपल्या घरी परतत आहेत. फुलं मात्र नविन रंग मिळाल्याच्या आनंदात वार्‍यावर डोलत आहेत.

चला तर पाहुया निसर्गाची हि रंगपंचमी माझ्या नजरेतुन.

प्रचि ०१

प्रचि ०२

प्रचि ०३

प्रचि ०४

प्रचि ०५

प्रचि ०६

प्रचि ०७

प्रचि ०८

प्रचि ०९

प्रचि १०

प्रचि ११

प्रचि १२

प्रचि १३

प्रचि १४

प्रचि १५

प्रचि १६

प्रचि १७

प्रचि १८

प्रचि १९

प्रचि २०

प्रचि २१

प्रचि २२

प्रचि २३

प्रचि २४

प्रचि २५

प्रचि २६

प्रचि २७

प्रचि २८

प्रचि २९

प्रचि ३०

प्रचि ३१

प्रचि ३२

(वरील सर्व प्रचि जिजामाता उद्यान फुल/पुष्प प्रदर्शन, सागर उपवन (कुलाबा) आणि पेण येथे काढली आहेत.)