Submitted by राजीव मासरूळकर on 21 February, 2013 - 08:50
मी चुंबून घेतो धरती !
पाहून प्रियेचा चेहरा स्मित फुलते भलते गाली
पहाटेच्या प्रहरी तसली क्षितिजाच्या ओठी लाली !
सामावून घेती झाडे आपल्यातच आभाळाला
धुक्यातून उगवून येते पाचुंची डोंगरमाला !
चकचकती चांदी लेवून झुळझुळती झर्झर निर्झर
सृष्टीच्या कंठी फुटती मधु धुंद सुरांचे पाझर !
शेतांचे हिरवे शालू वाऱ्यावर सळसळतांना
प्रीतीत मोहरून जाती ढोलीतील राघूमैना !
पाहून हे सगळे सगळे डोळ्यांना येते भरती
ओठांचे सांडून भान मी चुंबून घेतो धरती !
- राजीव मासरूळकर
विषय:
Groups audience:
Group content visibility:
Public - accessible to all site users
शेअर करा
वा वा मसतच की वावा !!
वा वा मसतच की
वावा !!
वैवकु , मनःपूर्वक धन्यवाद !
वैवकु ,
मनःपूर्वक धन्यवाद !
पाहून हे सगळे सगळे डोळ्यांना
पाहून हे सगळे सगळे डोळ्यांना येते भरती
ओठांचे सांडून भान मी चुंबून घेतो धरती !
भाव आवडला
विक्रांतजी , धन्यवाद !
विक्रांतजी ,
धन्यवाद !
वाह वाह! मला जामच आवडली लयीत
वाह वाह!
मला जामच आवडली
लयीत म्हणाता येतेय
सामावून घेती झाडे आपल्यातच
सामावून घेती झाडे आपल्यातच आभाळाला
धुक्यातून उगवून येते पाचुंची डोंगरमाला
ह्या ओळी अधिक भावल्या.
साधी गोड निसर्गकविता खूप
साधी गोड निसर्गकविता खूप दिवसांनी वाचली. मस्त
धन्यवाद रिया , समीर चव्हाण सर
धन्यवाद रिया ,
समीर चव्हाण सर ,
परिजाता !
गोड प्रतिक्रिया !