ॐकाराचा हुंकार

Submitted by डॉ.विक्रांत प्र... on 21 February, 2013 - 05:54

ॐकाराचा हुंकार l प्रगटला साचार l
होऊनि देहाकार l देव गजानन ll १ ll
भावातीत ईश्वर l तया फुटे पाझर l
प्रेमलोट अपार l द्वैत सुखाचा ll २ ll
अरुपाचा अनघट l पडदा सारत l
झाले घनीभूत l कैवल्यरूप ll ३ ll
आनंदाचा कल्लोळ l सूर शब्द ताल l
अनाहताचा बोल l झाला प्रगट ll ४ ll
रूप साजिरे घेवूनी l आले गुणातीत गुणी l
रक्त वर्णात सजुनी l पर्ण पिंपळावरी ll ५ ll