Submitted by डॉ.विक्रांत प्र... on 12 February, 2013 - 02:53
विहिरीच्या काठावर
उभी सोडुनिया दोर
मनातला घाव मागे
गर्द हिरवा अंधार १
किती प्रेम शिंपायचं
किती नातं जपायचं
मन चिंध्या झाल्यावर
कुणा काय सांगायचं २
ठोठावून दार दार
वळ आले हातावर
कुणी कधी ऐकले ना
उरी गारठले स्वर ३
कुठे तरी अंधारात
सारं सारं विसरावं
खोल खोल एकांतात
बंध तोडूनिया जावं ४
विक्रांत प्रभाकर
http://kavitesathikavita.blogspot.in/
विषय:
Groups audience:
Group content visibility:
Public - accessible to all site users
शेअर करा
सुंदर आशयगर्भ अष्टाक्षरी
सुंदर आशयगर्भ अष्टाक्षरी कविता. आवडली.
चांगली कविता... किती प्रेम
चांगली कविता...
किती प्रेम शिंपायचं
किती नाते जपायचं
कुणा काय सांगायचं २
सारे सारे विसरावं
बंध तोडूनिया जावं ४ >>>>इथेही वर टिंब हवा किंवा पुढच्या शब्दांना मात्रा..
शिंपायचे, जपायचे, सांगायचे, विसरावे, जावे ..असे.
पुलेशु!
आवडली
आवडली
खूपच सुरेख ....
खूपच सुरेख ....
अंगावर येणारं कवितेतलं चित्र.
अंगावर येणारं कवितेतलं चित्र. छान लिहिलीय.
कथकलीजी,श्यामजी,
कथकलीजी,श्यामजी, वर्षाजी,शशांकजी,आणि भारतीजी धन्यवाद .श्यामजी बदल करतोय,सूचना बद्दल धन्यवाद .
छान अष्टाक्षरी. शाम यांच्या
छान अष्टाक्षरी.
शाम यांच्या सूचनांवर कृपया विचार व्हावा.
धन्यवाद उल्हासजी ,योग्य बदल
धन्यवाद उल्हासजी ,योग्य बदल केले आहेत .
मला आवडतात सुबक अष्टाक्षरी
मला आवडतात सुबक अष्टाक्षरी कविता. खूप छान झालीय. तेवढे 'ऐकांतात' चे ही एकांतात करून टाका म्हण़जे आणखी चांगले वाटेल पुढील वाचकांना.
धन्यवाद,अमेय२८०८०७ | चूक
धन्यवाद,अमेय२८०८०७ | चूक सुधारली आहे .
आवडली
आवडली
धन्यवाद के अंजलीजी.
धन्यवाद के अंजलीजी.
सुरेख !!!! अष्टाक्षरीची लय
सुरेख !!!!
अष्टाक्षरीची लय नेहेमीच भावते
धन्यवाद अंबासकर,आपल्या
धन्यवाद अंबासकर,आपल्या म्हणण्याशी सहमत आहे.