जीवनरेषा

Submitted by अज्ञात on 29 January, 2013 - 06:41

प्रेम असीम जलद विहारी
कोणी न जाणे अंत तयाचा
पवन दिशाहीन भ्रमरे भवती
रोखे गिरी वेग त्याचा
अजब जळी समीकरण असे हे बरसे जीवन रेषा सदनी
बरसे जीवन रेषा

मधुर स्वरे रसरंग परांनी
नटे अवनी हृदयी मनरमणी
वलये भली सुखसंवेदनांची
ज्योत झरे अंजनाची
गरज अटळ कळ तळकाळजाची बिन अक्षर परिभाषा वाणी
बिन अक्षर परिभाषा

शोध भरे ऋतु लयवित क्रांती
अविरत स्पंदन खल एकांती
मन साधन पण क्षितीज अनंत
लेश न गावे हाती
मनन स्मरण क्षण जतन करावे जनन मरण पडछाया देही
जनन मरण पडछाया

प्रेम असीम जलद विहारी कोणी न जाणे अंत तयाचा
कोणी न जाणे अंत

...........................अज्ञात

विषय:

Groups audience:

Group content visibility:

Public - accessible to all site users

शेअर करा

व्वा !!!!

Submitted by अग्निवेश०८ on 30 January, 2013 - 08:15

मै बंजारा ले इकतारा,घूमा भारत सारा...घूमा भारत सारा.... या चालीवर म्हणून पाहिली.

सुंदर आहे कविता.

Submitted by कावळा on 30 January, 2013 - 08:29

मलाही आपण लिहीलेले कळाले नाही असेच म्हणायचे आहे.

Submitted by धोंडी मानाजी पाटील on 31 January, 2013 - 05:05

व्वा दोस्त !! आपल्या प्रतिसादाच्या सूचक प्रकाराला मनापासून दाद.

Submitted by अज्ञात on 31 January, 2013 - 08:14