आज ना चंद्र नुसतेच तारे

Submitted by उमेश वैद्य on 9 January, 2013 - 10:41

आज ना चंद्र नुसतेच तारे
आवरू चांदण्यांचे पसारे

रात्र माझी अशी पेटलेली
अन तुला वाटते शांत सारे!

वेदनेच्या कुशी जन्म माझा
सांग काही मना तू कसा रे?

तू खरे बोल चालेल आता
कोण आहे इथे ऐकणारे

जाहले शून्य आयुष्य माझे
मोजसी आणि कसले घसारे

वेळ गेली अता बोलण्याची
ठेव दडवून तू आत सारे

थांबताना जणू जीव जातो
चालता वाट जळते निखारे

कालचे फूल निर्माल्या झाले
कोण आता तया वाहणारे

उ.म. २०१३

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा