गझल
जगून घे जरा जरा!
फुलून घे जरा जरा!!
समोर आरसा तुझ्या...
नटून घे जरा जरा!
अजून दु:ख यायचे;
हसून घे जरा जरा!
वळीव हा उन्हातला...
भिजून घे जरा जरा!
सुमार हा दुपारचा!
पडून घे जरा जरा!!
नशा जरी पिण्यामधे;
जपून घे जरा जरा!
रुसून नीज जायची;
निजून घे जरा जरा!
बदल स्वत:मधे प्रथम;
करून घे जरा जरा!
न शब्द आठवायचे....
लिहून घे जरा जरा!
ढळू नयेत आसवे!
पुसून घे जरा जरा!!
चिता विझेल तोवरी....
जळून घे जरा जरा!
जिणे शिकायचे तुला;
मरून घे जरा जरा!
बुडायचेच शेवटी!
तरून घे जरा जरा!!
अखेर जिंकणार तू!
हरून घे जरा जरा!!
तिच्या दिठीतली सुधा;
भरून घे जरा जरा!
न फार बोलणार ती....
कळून घे जरा जरा!
करायचेच स्नान ना?
मळून घे जरा जरा!
पुन्हा न लाड व्हायचे....
छळून घे जरा जरा!
सराव चालला तुझा....
चुकून घे जरा जरा!
फकीर साबिरास तू;
स्मरून घे जरा जरा!
बदीऊज्जमा बिराजदार
(साबिर शोलापुरी)
sabirsolapuri@gmail.com
MOB: ९८९०१७१७०३
मायबोलीकारांनो ! आज लिहिलेली
मायबोलीकारांनो ! आज लिहिलेली ताजी छोटया वृत्तातली ही माझी गझल ! पहा कसा वाटतो प्रयत्न ते
छान आहे तुमची गझल! साबिरजी
छान आहे तुमची गझल!
साबिरजी अभनंदन!
ढळू नयेत आसवे! पुसून घे जरा
ढळू नयेत आसवे!
पुसून घे जरा जरा!!>>
एक शंका आहे इथे. आसवे 'ढाळणे' आणि पदर 'ढळणे' असतं ना? की इथे आसवे 'पदर ढळणे' या अर्थानेच अभिप्रेत आहेत?
अनेक शेरांमुळे प्रयत्न
अनेक शेरांमुळे प्रयत्न प्रयत्नच वाटत आहे साबिरजी क्षमस्व