जिथे पोचायाचे होते...

Submitted by मुग्धमानसी on 12 December, 2012 - 00:33

जिथे पोचायाचे होते, तिथे पोचलेच नाही
पण पालथ्या घातल्या सर्व वाटा दिशा दाही!

झाला केवढा प्रवास सात पाऊले चालले
अजुनही विसाव्याचा कुठे मागमूस नाही!

धाप लागली जराशी तर हासली ही वाट
म्हणे पुढच्या वाटेचा तुला अंदाजही नाही!

झाला कोठुन प्रवास सुरु आठवेना काही
माझी मागे राहिलेली कुठलीही खूण नाही!

ज्याची इच्छा होती मनी ते ना गवसले... असो...
याच निमित्त्ये कळले माझ्या मनी काय नाही!

विषय: 
काव्यलेखन
शब्दखुणा: 
कविता
Groups audience: 
गुलमोहर - कविता
Group content visibility: 
Public - accessible to all site users
शेअर करा

झाला केवढा प्रवास सात पाऊले चालले
अजुनही विसाव्याचा कुठे मागमूस नाही!>>> व्वा व्वा

वेगळ्या अर्थाने आवडली. सात पाऊले आणि विसाव्याचा मागमूस हे 'लग्न' ह्या विषयाशी को-रिलेट केले, मस्त! आपल्याला त्याच अर्थाने लिहायचे होते का ते माहित नाही

शुभेच्छा!

Submitted by विजय दिनकर पाटील on 12 December, 2012 - 06:31

धाप लागली जराशी तर हासली ही वाट
म्हणे पुढच्या वाटेचा तुला अंदाजही नाही!

ज्याची इच्छा होती मनी ते ना गवसले... असो...
याच निमित्त्ये कळले माझ्या मनी काय नाही!

>> छान!

Submitted by आनंदयात्री on 18 December, 2012 - 00:27

Happy

Submitted by निशा राकेश गायकवाड on 19 June, 2014 - 06:23