Name: मिसळम् पाकम् गट्टम् गट्टम्! - सफरचंद-बटाटा थालिपीठ- तिखट -अगो
Cook time: १५ मिनिटे
Yield: २ ते ३ थालिपीठे.

Submitted by अगो on 26 September, 2012 - 11:17

प्रत्यक्षात लागणारा वेळ:

१५ मिनिटे

लागणारे जिन्नस:

१ मध्यम सफरचंद
२ छोटे किंवा १ मोठा बटाटा
गरजेनुसार तांदळाचे पीठ
जिरं
भरडलेले मिरे
दाण्याचं कूट
हिरवी मिरची
कोथिंबीर
मीठ
तूप

क्रमवार पाककृती:

सफरचंद सालासकट किसून घ्यावे.
बटाटा साल काढून किसून घ्यावा. ( बटाटा कच्चाच किसावा, उकडून नव्हे. )
त्यात आवडीप्रमाणे दाण्याचं कूट, बारीक चिरलेली हिरवी मिरची, कोथिंबीर, जिरं, भरडलेले मिरे, मीठ घालून थालिपीठ थापण्यासाठी लागेल तेवढेच तांदळाचे पीठ घालावे ( साधारण तीन-चार छोटे चमचे. )
तव्यावर तूप सोडून पातळ थालिपीठ थापावे. झाकण ठेवावे. पाच मिनिटांनी खालची बाजू सोनेरी कुरकुरीत झाली की उलटावे. झाकण न ठेवता दुसर्‍या बाजूनेही शिजवून घ्यावे.
गरमागरम खावे