डोळ्यांनी डोळ्यांशीच बोलावे

Submitted by सुधाकर .. on 14 September, 2012 - 06:05

डोळ्यांनी डोळ्यांशीच बोलावे
मनाचे गुज मुक्यानेच खोलावे.

नाते नभाशी आपसूक जुळावे
पापणीने पावसा पापणीत तोलावे.

कधी वर्दळीच्या सोडून वाटा
स्वत:स शोधत एकाकीच चालावे

कधी तू मला अन मी तूला ही,
केवळ एका स्पर्शानेच आकळावे.

असो कोणताही ऋतू परंतू,
नाते हे मनामनात दरवळावे

पुर्व प्रकाशन -----
---- http://chandrabilor.blogspot.in

विषय: 
काव्यलेखन
शब्दखुणा: 
गम
Groups audience: 
गुलमोहर - कविता
Group content visibility: 
Public - accessible to all site users
शेअर करा