Submitted by सुप्रिया जाधव. on 21 July, 2012 - 13:41
शब्द नव्हतेच कळले तसे फारसे...
'प्राण झोपेत गेले' म्हणे कायसे !
प्रेम होते जिवापाड माझे-तुझे...
हातच्या कंकणाला नको आरसे !
साथ सच्ची दिली आसवांनी अशी ...
सौख्य-दु:खातले मित्र पक्के जसे !
काहिली जीवनाची शमावी कशी...
विरह आणी ॠतू हे झळांचे असे !
त्राण नाही नवे स्वप्न गुंफायचे...
वास्तवाला स्विकारु जसेच्या-तसे !
राजरस्त्यावरी चालणे हे बरे...
वाट पडताळण्याची नको साहसे !
-सुप्रिया.
गुलमोहर:
शेअर करा
त्राण नाही नवे स्वप्न
त्राण नाही नवे स्वप्न गुंफायचे...
वास्तवाला स्विकारु जसेच्या-तसे !
सुरेख.
वाट पडताळण्याची नको साहसे ! हा मिसराही उत्तम. ('पडताळणे' चा अर्थ 'व्हेरिफाय करणे' च्या जवळपास जातो असे मला वाटते. इथे 'आजमावणे' असा अर्थ मी घेतला.)
ज्ञानेशशी सहमत.
ज्ञानेशशी सहमत.
काहिली जीवनाची शमावी कशी...
काहिली जीवनाची शमावी कशी...
विरह आणी ॠतू हे झळांचे असे !
कमाल,सुप्रिया.
सुटे मिसरे आवडले.
सुटे मिसरे आवडले.
काहिली जीवनाची शमावी
काहिली जीवनाची शमावी कशी...
विरह आणी ॠतू हे झळांचे असे !
त्राण नाही नवे स्वप्न गुंफायचे...
वास्तवाला स्विकारु जसेच्या-तसे ! ... सुरेख
'प्राण झोपेत गेले' म्हणे
'प्राण झोपेत गेले' म्हणे कायसे !>>>मी निशब्द झालोय हे वाचून !!:(
गझल खूप आतून आली आहे या वेळी असे जाणवले
खूप छान आहे ही गझल सुप्रियाताई
धन्यवाद !!
सुरेख्.......खूप
सुरेख्.......खूप सुंदर.........
छान! " साथ सच्ची दिली आसवांनी
छान!
" साथ सच्ची दिली आसवांनी अशी ...
सौख्य-दु:खातले मित्र पक्के जसे ! " क्या बात है!!!