एका "पहिल्याची" दुसरी गोष्ट !!!

पहिला जॉब....... पहिला दिवस...
ऑफिसात पहिलं पाऊल...... पहिला प्रोजेक्ट...

पहिली कलिग..... पहिली नजरानजर.....
पहिलं हस्तांदोलन...... पहिलं स्माईल.....

पहिलं डेटा शेअरिंग....... पहिला फोन कॉल...
पहिला एसेमेस..... पहिलं चॅटिंग...

पहिली कॉफी..... पहिलं कटिंग....
पहिली साय आणि पहिलीच फुंकर.....

पहिली टूर...... पहिलं लाँग ड्राईव्ह....
पहिला चंद्र..... पहिल्या चांदण्यातल्या गप्पा...

पहिला किनारा.... पहिली वाळूतली जोडपावलं...
पहिला किल्ला आणि पहिलीच लाट.....

पहिला सूर्यास्त...... पहिलाच स्पर्श.....
पहिलं प्रपोजल.... पहिला होकार......

पहिली मिठी..... पहिलं चुंबन.....
पहिलं ग्रिटिंग आणि पहिले पैंजण...

पहिलं लग्न...... पहिलं हनिमून.....
पहिलं घर आणि पहिलीच चाहूल.....

पहिला रुसवा..... पहिला राग.....
पहिली माघार आणि पहिलाच पुढाकार.....

सारं हे पहिलं पहिलं...... आता सरावाने रोजचंच झालय......... !!!

पुन्हा नव्याने हे सारं "पहिलं" शोधायला आता "दुसरी गोष्ट" लिहायला हवी

_________________________________________________________________

तळटीपः वरील कवितेचा किंवा त्यातील उल्लेखांचा कोणत्याही जिवंत अथवा मृत विवाहित स्त्री किंवा पुरुषाच्या भावनांशी संबंध नाही. तसे असल्यास तो निव्वळ योगायोग मानावा. कवी अथवा मायबोली यांना याकरीता जवाबदार धरू नये.
अविवाहितांनी याकडे धोक्याची सूचना म्हणून पाहिल्यास प्रशासन जबाबदार राहणार नाही