येत जा देऊन थोडी कल्पना - तरही गझल

नेहमीप्रमाणेच सुरेख...!!!

एक तर येऊ नको ... वा यौवना
येत जा देऊन थोडी कल्पना

काय हा पाऊस आकाशा तुझा
ही जणू विधवा मुलीची सांत्वना

भेटुनी आलो तिला नुकताच मी
घे तुला हा गंध माझा चंदना

माणसांशी व्यर्थ स्पर्धा ठेवली
आपला तर आपल्याशी सामना

फार नटते ती म्हणे आधीहुनी
जाणवत असणार माझी वंचना

मन तपासावे स्वतःचे एकदा
कोणती आहे कुणाची वेदना

आजही आहेत पांचाली इथे
केवढा तू 'बेफिकिर' मनमोहना

हे सर्व शेर अतिशय आवडले !

मस्स्त गझल!

सगळेच शेर खास बेफी टच आहेत
अप्रतिमच आहे ही तरही

सुंदर गझल.

घेतल्यावर जास्त आठवतोस तू
मी न घेता का करावी प्रार्थना

>>> mastach

सोबती असुदे मरेपर्यंततर
मी तुझा कोणीतरी ही वल्गना >> व्वा!

सर्वच शेर सुंदर

भेटुनी आलो तिला नुकताच मी
घे तुला हा गंध माझा चंदना........................वा वा वा !!

अप्रतिम गझल.

दंडवत!!!