मासे ३८) भाकस

Submitted by जागू-प्राजक्ता-... on 28 December, 2011 - 05:19
लागणारा वेळ: 
१५ मिनिटे
लागणारे जिन्नस: 

भाकस मासा
मिठ
आले,लसूण, मिरची, कोथींबीर वाटण (ऑप्शनल)
मसाला
हळद
तेल

क्रमवार पाककृती: 

भाकस मासा एका बाजुने चपटा असतो. चपटी बाजू पांढरी असते तर वरची बाजू फुगीर व खवलांनी भरलेली काळी असते. साधारण हलव्यासारखी. ह्याची खवले काढावीत व तुकड्या करून घ्याव्यात. जर रस्सा आणि तळायचेही असतील तर मधल्या चांगल्या तुकड्या तळण्यासाठी घ्यावात व डोके आणि शेपटाकडील तुकड्या रश्यासाठी वापराव्यात. रस्सा इतर रश्यांसारखाच ओल्या खोबर्‍याच्या वाटणाने करतात.

तळण्यासाठी तुकड्यांना मिठ, मसाला, हळद हवे असल्यास वाटण लावावे. जर धिर किंवा वेळ असेल तर थोडा वेळ मुरवावे. नाही मुरवले तरी हरकत नाही (माश्यांचीही आणि माझीही :स्मित:).

मग तवा चांगला गरम करावा व गॅस मध्यम ठेवून तेल सोडून तुकड्या शॅलोफ्राय करायला ठेवाव्यात. एक बाजू ४- ते ५ मिनिटे शिजवून झाली की परववावी व दुसरी बाजूही तितकीच शिजवावी. पलटल्यावर पुन्हा थोडे तेल कडेने सोडावे. जर तुकड्या जाड्या असतील तर पुन्हा अलटी पलटी कराव्यात २-३ मिनीटे व नंतर गॅस बंद करावा.

ह्या आहेत तयार तुकड्या. फिज मध्ये मासे असल्याने कापताना त्यांना व्यवस्थित शेप नाही आला.

वाढणी/प्रमाण: 
प्रत्येकी २ तुकड्या.
अधिक टिपा: 

हे मासे समुद्रात मिळतात.
वाटणाबरोबरच लिंबूही पिळला तरी चांगली चव लागते.
लिंबू किंवा वाटण ताज्या माश्यांना लावण्याची तशी आवश्यकता नसते. जर मासे बर्फातील असतील तर त्यांचा वईसपणा घालवण्यासाठी वापरतात.

माहितीचा स्रोत: 
आई
पाककृती प्रकार: 
प्रादेशिक: 
शब्दखुणा: 
Group content visibility: 
Public - accessible to all site users

आधी मला वाटले काला और गोरा असे दोन मासे आहेत.. आणि याचे डोळे कुठे गडपले???

वाटणाबरोबरच लिंबूही पिळला तरी चांगली चव लागते.

वाटणात पिळा किंवा पिळू नका पण खाताना मात्र माशावर लिंबु जरुर पिळा. मांसाहार करताना सोबत लिंबुरस असणे प्रथिने आणि जीवनसत्वे शरीरात नीट शोषली जाण्यासाठी आवश्यक आहे. लिंबुरस नसेल तर प्रथिने आणि जीवनसत्वांचे फायदे शरीर मिळवू शकत नाही (संदर्भ - 'स्वयंपाकघरातले विज्ञान' हे पुस्तक)

चला, जागूतै कार्यरत झाल्या.
हा मासा आडवाच पोहतो. इकडे पण आवडीने खातात.

आला आला नवीन मासा आला.
मी पहिल्यांदाच पाहिला हा मासा.
बाकि मासे बनवण्याची पध्दत अगदी सेमच आहे आमचीपण.

साधना चांगली टिप दिलीस. डोळ्याचे संशोधन मला करावे लागेल.

दिनेशदा, प्रिती धन्स Happy

हा मासा पाहिला आहे पण अजून खाल्ला नाही. आतां खाल्याशिवय चालणारच नाही !
माझ्या एका मित्राचं गांव वडखळ व पेणच्या मधे धरमतर खाडीलगत आहे. मासे तळताना तो सुकं खोबरं भाजून वाटपात वापरतो. एक वेगळाच खमंगपणा येतो, विशेषतः मासे उग्र वासाचे असतील तर . अर्थात, सर्वसाधारणपणे आम्ही << तळण्यासाठी तुकड्यांना मिठ, मसाला, हळद >> हीच पद्धत वापरतो व लिंबाऐवजी चिंचेचा कोळही वापरतो.
जागूजी, खाद्यसंस्कृतिला तुम्ही देत असलेल्या उजाळ्याबद्दल धन्यवाद.

व्वा! एकडोळा बाकस! आमच्या कडे कधी हा मासा आणत नाहीत पण माझ्या मित्राच्या आईच्या हातचा खाल्ला होता एकदा. Happy