Submitted by सुप्रिया जाधव. on 11 August, 2011 - 01:02
*
भले शब्द होते, बुरे शब्द होते
कसा अर्थ लावू? खुजे शब्द होते !!
*
मधा घोळवूनी निघाले तरीही,
कडू कारल्यासम तुझे शब्द होते !!
*
कितीसे हवेसे, कितीसे नकोसे,
जिव्हारी खुपावे ’सुळे’ शब्द होते !!
*
कधी भावनांचा लपंडाव खासा,
कधी तप्तलाव्हा फ़ुटे!... शब्द होते !!
*
तुझ्या युक्तिवादा पुढे हारलेली,
कसा जाब मागू?... लुळे शब्द होते !!
*
लढाया जगाशी कधी शस्त्र झाले,
कधी ढाल माझी, मुके शब्द होते !!
*
-सुप्रिया (जोशी) जाधव
गुलमोहर:
शेअर करा
शब्द्,या आधी प्रकाशित
शब्द्,या आधी प्रकाशित केलेल्या कवितेच्या संपादनात जावून तुम्ही त्याच कवितेला ''मराठी गझल'' विभागात समाविष्ट करु शकता.
ओके... माहीत
ओके...
माहीत नव्हते....
धन्यवाद सर.