त्रिशूल बिल्डर्स : प्रशस्तिपत्र

साप म्हणू नये धाकला आणि बिल्डर म्हणू नये आपला....

ज्याअर्थी आपल्या मायबोली अ‍ॅडमिन यानी त्रिशूलची जाहिरात स्वीकारली आहे, त्याचवेळी कंपनीची विश्वासार्हता अधोरेखीत झाली, म्हणूनच चटदिशी बुकिंगचा निर्णय घेतला >>> धन्य आहे!

जरा त्यांना गुगल करायला सांगा !

अभिनंदन!!

वेल सेड अ‍ॅडमीन.

@ अ‍ॅडमिन, कांदापोहे आणि चाणक्य
~ सावध केल्याबद्दल धन्यवाद. अर्थात त्या दोघांनी (तसेच त्यांच्या आयटीतील आणखीन सहा लोकांनी) संबंधित बिल्डर आणि या क्षेत्रातील त्यांचा गतैतिहास निश्चितच अभ्यासला असणार. मला कळविताना दोघांनी मायबोलीवरील 'त्रिशूल" जाहिरातीचा उल्लेख केला होता. कदाचित 'मायबोली' विषयी वाटत असलेल्या आपलेपणामुळे येथील प्रत्येक बाबीचा त्यानी विश्वासार्हतेकडे संबंध जोडला असण्याची शक्यता आहे.

शेवटी घरबांधणीच काय तर जीवनातील हरेक गोष्टीत काही प्रमाणात 'रिस्क फॅक्टर' गृहित धरावाच लागतो. हांडेवाडी-उन्द्री परिसरातील "शालिनी लेक ह्यू" बांधकाम संदर्भात त्रिशूल बिल्डर्स आणि बुकिंग करणारी जनता यांच्यात 'तू-तू-मै-मै' होऊन प्रकरण कोर्टापर्यंत गेल्याच्या बातम्या/वदंता आजही चघळल्या जातात. तरीही श्री.हेमंत बुद्धीवंत यांच्या अन्य प्रकल्पाविषयी चांगले बोलणार्‍यांचीही संख्या काही कमी नाही. तेव्हा या व्यवसायातील दोन्हीकडील लेखाजोखा पाहून्/तपासूनच माझ्या भावांनी आणि त्यांच्या अन्य सहकार्‍यांनी फ्लॅट्स बूक केले असणार हे निश्चितच.

शेवटी अशा प्रकल्पांबाबत पुण्यातच काय पण इतरत्रही विश्वास हा ठेवावाच लागेल. पण या निमित्ताने त्रिशूल बिल्डर्स यानी आवर्जून मायबोलीवर पत्र प्रकाशित करून जो एक चांगला पायंडा पाडला आहे त्यावरूनही त्यांच्याबद्दल अनुकूल मत तयार होण्यास काही अडचण नसावी.

आशा आहे की, श्री.हेमंत बुद्धीवंत तसेच त्रिशूल संबंधित अन्य घटक 'मायबोली' वरील हा धागा व त्यावरील प्रकाशित झालेल्या उलट्यासुलट्या प्रतिक्रिया/मते वाचत असतील.