Submitted by निशिकांत on 3 March, 2011 - 00:44
डोळ्यावरील पडदा हटल्यावरी कळाले
तो श्वासही न माझा रुकल्यावरी कळाले
का व्यर्थ भीत होतो मरणास जीवनी मी ?
मृत्त्यू सुखांत आहे जळल्यावरी कळाले
जीवन असून माझे हाती लगाम नाही
जे जे घडूनये ते घडल्यावरी कळाले
हेवा मला फुलांचा देवास वाहिलेल्या
आहे क्षणीक वैभव सुकल्यावरी कळाले
ते गोड बोलणे अन लडिवाळ भाव त्याचे
सारा बनाव, तिजला वरल्यावरी कळाले
धोकाधडीस आता आलाय ऊत इतका
वर्दीत चोर होते लुटल्यावरी कळाले
सुख हे क्षणीक आहे, मृगजळ सदैव फसवे
भोगून भोग सारे विटल्यावरी कळाले
देवास शोधताना का मेनका दिसावी ?
विषयात मग्न, डोळे मिटल्यावरी कळाले
सन्यास घेतला तू "निशिकांत" ढोंग आहे
स्वप्नी तिला बघूनी रडल्यावरी कळाले
निशिकांत देशपांडे मो. नं. ९८९०७ ९९०२३
E Mail :-- nishides1944@yahoo.com
प्रतिसादाची अपेक्षा
गुलमोहर:
शेअर करा
व्वा....!!! मस्त.. मला आवडली
व्वा....!!! मस्त.. मला आवडली सगळीच्या सगळी.
मतला खूप छान आहे पण रुकना हा हिंदी शब्द का वापरलाय? त्याऐवजी मराठी शब्द असता तर अजुन प्रभावी झाला असता.
जीवन असून माझे हाती लगाम नाही
जे जे घडूनये ते घडल्यावरी कळाले>> मस्तच..
अप्रतिम!
अप्रतिम!
चांगली गझल निशिकांत जे जे
चांगली गझल निशिकांत
जे जे घडूनये ते घडल्यावरी कळाले >> मस्त
छान आहे!! ते गोड बोलणे अन
छान आहे!!
ते गोड बोलणे अन लडिवाळ भाव त्याचे
सारा बनाव, तिजला वरल्यावरी कळाले>>> हजलेचा शेर वाटला!!
सुरेख गझल
सुरेख गझल
अ'तरही' गझल? उत्तम आहे.
अ'तरही' गझल?
उत्तम आहे. जीवनावरचे भाष्य.