कढाई आलु खास

Submitted by सुलेखा on 18 December, 2010 - 01:43
लागणारा वेळ: 
२५ मिनिटे
लागणारे जिन्नस: 

४ बटाटे मध्यम आकाराचे..
२ सिमला मिरची..
अर्धी वाटी तुप..
१ चमचा आले-लसुण पेस्ट..
१ मध्यम आकाराचा कांदा सालासकट गॅस वर भाजुन घ्यावा..
भाजलेला कांदा+६ काजु यांची मिक्सर मधे पेस्ट करुन घ्यावी..
२ चमचे भरडलेले धणे..
४ लाल सुक्या मिरच्या..
३ टोमॅटो ची प्युरी..
१ चमचा कसुरी मेथी..
मीठ चवीनुसार..

क्रमवार पाककृती: 

१. बटाटया ची साले काढुन त्याच्या प्रत्येकी ८ फोडी करा..
२ सिमला मिरची च्या बिया काढुन मोठे तुकडे करावे..
३.गरम तुपात बटाटे तळुन घ्या. नंतर मिरच्या १ मिनिट च तळुन घ्याव्या..
४आता उरलेल्या तुपात भरडलेले धणे,लाल मिरच्यांचे तुकडे परतुन घ्यावे..
५.लगेच च आले-लसुण पेस्ट्,टोंमॅटो-प्युरी घालुन तुप सुटे पर्यन्त परतावे..
६.आता कांदा-काजु पेस्ट परतावी. तळलेला.बटाटा व मिरची घालावी..
७.चवीप्रमाणे मीठ्,कसुरी मेथी घालुन घालुन पुन्हा एकदा छान परतावे.
गरम पोळी/ लहान गाकरासारखी कडक रोटी[तुप लावुन]/पराठ्या बरोबर वाढावी..

वाढणी/प्रमाण: 
३ जणांसाठी
माहितीचा स्रोत: 
भोपाळ ला मिलिटरी एरीयात रहात होते.तिथली माझी पंजाबी मैत्रिण.
पाककृती प्रकार: 
प्रादेशिक: 
Group content visibility: 
Public - accessible to all site users

रोचीन, कांदा भाजला कि फक्त वरची साल काळी होते (इतपतच भाजायचा ) आणि ती अर्थात काढायची, पण त्यातला थोडासा भाग वाटताना राहिला तरी चालतो. त्याने छान फ्लेवर येतो (आपला बार्बेक्यू फ्लेवर !!)

कांद्या चे साल काळे होइपर्यन्त भाजायचा..साल काढुन २-३ तुकडे करुन काजुबरोबर वाटायचा..
कांदा भाजुन घेतला कि गोडसर चवीचा होतो..
वांग्याचे भरीत करताना वांग भाजताना त्यात सुरीने ४-५ जागी भोक करुन ४-५ लसुण पाकळ्या व ३-४ लवंगा भरुन वांग भाजायचे त्यात असाच कांदा भाजुन चिरुन फोडणीत टाकायचा..बाकी कृती नेहमीप्रमाणे..वेगळी चव येते..
फोटो ची सोय नाही त्यामुळे एकाही पाकृ.सोबत फोटो देता येणार नाही..

खास माळव्याच्या [म.प्र.] पाकृ. नक्किच लिहीन पण फोटो नसणार..

खास पाकृ आहे!
मध्यप्रदेशातील रोटीसदृश "टिक्कड" पाकृच्या प्रतीक्षेत आहे! Happy
गॅसच्या शेगडीवर खापर ठेवून त्यावर करता येईल असे वाटते.

Sad ठिक आहे सुलेखातै....... "खास माळव्याच्या [म.प्र.] पाकृ"........येउद्या

पण कधितरी "खास" फोटोसाठी "खास" प्रयत्न करा ओ....

धन्यवाद सुलेखा. फार छान झाली.
मंजू- तुझा फोटो खंग्री होता म्हणून करायला अजून स्फुर्ती मिळाली.

प्रियदर्शनी ,रेना भाजी करुन पाहिली आणि आवडली ना..मंजुडी फोटो एकदम मस्त आहे..टेम्टींग आहे..त्याबद्दल मनापासुन धन्यवाद..

मी केली ही भाजी.. जबरी झाली. फक्त बटाटे तळण्याऐवजी उकडून घेतले. Happy
पण मंजू, टोमॅटो प्युरीमुळे रंग लाल आला होता माझ्या भाजीला. तुझ्या भाजीचा हा रंग कशामुळे आला?

मी धने, लाल सुक्या मिरच्या भाजून मिक्सर मधून बारीक पूड करून घेतले, त्यात टोमेटो, आलं लसूण घालून अगदी पेस्ट करून घेतली. भाजलेला कांदा आणि काजूची पेस्ट वेगळी करून घेतली.

अत्ताच केली ही भाजी. रंग अप्रतीम आलाय पण बहुदा भाजक्या कांद्याने घात केलाय.चव कडवट लागतेय. पुढल्या वेळी थोडा परतून मिक्सर मधून काढून बघेन.

परवा करायचा विचार आहे.
पण कांदा न भाजता नुस्ती पेस्ट केली तर नाही का चालणार? खुप फरक पडेल का टेस्ट मध्ये?

बटाटे कच्चे घ्यायचे आहेत.तुपात तळले कि ते शिजल्यागत च होतात.
कांदा सालासकट गॅस वर भाजायचा आहे. कांद्याचे साल भाजले गेले कि चिमट्याने फिरवत रहायचे.अगदी काळा करायचा नाही.पण एखाद दुसरा डाग चालेल. कांदा भाजुन घेतल्याने चवीत फरक पडतो.भाजीला रस हवा असेल तर थोडेसे पाणी घालावे.पण रस दाटसर च हवा.

सीमा बर्याच लोकांसाठी करायची असेल तर आधी प्रायोगीक तत्वावर करून बघ. ईथले आणी देशातले कांदे वेगळे पडतात. मी विडालिया स्वीट अनियन वापरला होता. पातेलंभर भाजी अक्षरशः टाकून द्यावी लागली. अजून चुटपुट लागली आहे.

Pages